Vikan - 22.02.1962, Síða 6

VIKAN FAGNAR
MERKUM ÁFANGA
1000%
AUKNING
ÁÞREMÁRUM
Þegar Vikunni var breytt í núverandi form,
seint á árinu 1958 var blaðið 16 síður og
upplagið 4000 eintök. Nú er upplagið
16,000 eintök og hvert eintak 44 síður.
Það er liðlega þúsund prósent aukning. I
tilefni af þessum merka áfanga, kynnum við
fyrir lesendum, hvernig blaðið verður til og
hverjir vinna við, að það komi út í hverri
viku allt árið.
Þegar núverandi eigeudur Vikunnar tóku við rekstri blaðsins seint á árinu
1958, var stærð blaðsins 16 siður og út komu 4000 eintök vikulega. Á Jiessum
þrem árum, sem síðan eru liðin, má segja, að Vikan hafi farið hamförum;
stækkað ár frá ári og breiðzt út að sama skapi svo útbretiðslan er orðin eins
mikil i hinum þéttbýlli hlutum landsins eins og útlend blöð gera ráð fyrir,
að hún geti mest orðið.
Þegar Vikunni var breytt f núverandi form, var hún stækkuð í 28 síður. Á árinu
1960 var blaðið stækkað í 36 siður og á síðasta ári i 44 síður. Auk þess komu
út sex blöð á síðasta ári, sem voru 52 síður og eitt 64 siður.
Á þriggja ára tímabili hefur upplag blaðsins verið stækkað úr 4000 eintök-
um í 16.000 eintök á viku. Þá er stækkunin orðin 1000% miðað við prent-
aðar síður. Vikan er nú orðin næst stærst allra íslenzkra blaða; aðeins Morg-
unblaðið hefur stærra upplag. Samkvæmt Gallup-könnunum erlendis, er gert'
ráð fyrir því, að fimm manns sjái hvert selt vikublað, en þrír hvert selt dag-
blað. Samkvæmt því má gera ráð fyrir, að nálægt 75.000 manns sjái Vikuna
í hverri viku, eða tæpur helmingur allrar þjóðarinnar.
Þessi hraða útbreiðsla og aukning Vikunnar, er fyrst og fremst því að þakka,
að blaðið hefur líkað vel, það hefur verið reynt af fremsta megni að vanda til
þess og gera það bæði skemmtilegt til dægrastyttingar, fræðandi og vel útlít-
andi. Önnur orsök velgengninnar er sú, að Vikan hefur litla sem enga sam-
keppni haft, nema helzt af dönsku vikublöðunum, Hjemmet og Familie Journal,
sem seld eru hér í talsverðu magni.
f þessi þrjú ár hefur verið í senn blómatími og hnignunarskeið hinna svo-
nefndu sorprit. Þau spruttu upp eins og gorkúlur á mykjuhaug, en efnið var
eins i þeim öllum; þrástagazt og smjattað á pyndingum, morðum og sjúku
kynferðislífi. Það þótti leiðigjarnt til lengdar, enda hafa þau flest lagt upp
laupana. Önnur og betri vikublöð hafa líka séð dagsms Ijós á þessu tímabili.
Þeim hefur ednkum verið ætlað það hlutverk að keppa við Vikuna; þau hafa
stælt útlit hennar og efni, en af einhverjum ástæðum hefur aldrei orðið um
neina samkeppni að ræða.