Vikan - 19.07.1962, Blaðsíða 27

II
4
Hrútsmerkiö (21. marz—20. apr.): Það virðist
bera ailt of mikið á neikvæðum eiginleika í fari
þínu þessa dagana, og veiztu bezt sjálfur hver
hann er. Þú getur naumast gert þér grein fyrir
því, hversu mjög þessi eiginleiki spillir fyrir þér
gagnvart vinum þinum. Þú verður að breyta til batnaðar,
ef ekki á að fara illa. Miðvikudagurinn er mikill heilladag-
ur fyrir unga fólkið.
Nautsmerkiö (21. apr.—21. maí): Þessi vika
CWS verður þér mjög hagstæð hvað allan jarðneskan
auð snertir, en ekki er eins víst að þér verði svo
ágengt á andlega sviðinu. Þér virðist fara alltof
iítið fram á Því sviði, og stafar það af því að þú
hjakkar sífellt í sömu sporum og reynir lítið sem ekkert
til þess að taka framförum.
TvíburamerkiÖ (22. maí—21. júní): Þú gafst ein-
hverjum loforð um að gera eitthvað í vikunni,
en nú verður ýmislegt til Þess að að því getur
ekki orðið strax — og líklega tekur sá, sem lofað
var, þetta verr upp en efni standa til. Eitt kvöld-
ið ferð þú í afar skemmtilegt samkvæmi með mjög nýstár-
legu sniði.
KrabbamerkiÖ (22. júní—23. júlí): 1 vikunni
gefst þér tækifæri til þess að taka framförum á
sviði, sem þú hefur staðið í stað í lengi, og skaltu
nýta þér þetta tækifæri til hins ýtrasta. Þú kem-
ur ekki rétt fram við einn vin þinn þessa dagana
— líklega stafar það af einhverri samkeppni, sem er engan
veginn heilbrigð. Amor verður talsvert á ferðinni.
LjónsmerkiÖ (24. júlí—23. ág.): Þessi vika verð-
ur sannarlega allt öðruvisi en þú hafðir gert ráð
fyrir. Það mun ýmislegt ganga á, sem þú kannt
ekki fyllilega að bregðast við, en í heild verður
þó vikan hin ánægjulegasta. Tvö kvöld vikunnar
skera sig úr á vissan hátt, en þau kvöld muntu sinina þvi,
sem þér er næst hjarta þessa dagana.
Meyjarmerkiö (24. ág.—23. sept.): Þú lest eitt-
hvað eða sérð, sem kemur þér úr jafnvægi og
fær þig til þess að aðhafast eitthvað, sem þú
munt líklega sjá eftir síðar meir. Þú færð þægi-
legt verkefni að glíma við, liklega um eða eftir
helgi. Vinur þinn kemur illa fram við þig 1 máli, sem snertir
ykkur báða í rauninni litið.
VogarmerkiÖ (24. sept,—23. okt.): Þetta verður
hin skemmtilegasta vika í alla staði. Þú munt
hækka I áliti meðal félaga þinna fyrir eitthvað,
sem þú gerir eitt kvöldið, enda máttu vera hreyk-
inn af. Amor kemur eitthvað við sögu unga fólks-
ins, einkum þess, sem fætt er í október, en ekki er víst að
örvar hans risti ýkjadjúpt.
______ DrekamerkiÖ (24. okt.—22. nóv.): Þessi vika er
mjög óvenjuleg að mörgu leyti, einkum viss hluti
vikudaganna, líklega þá eftirmiðdagarnir. Vinir
þínir eru með eitthvað á prjónunum, sem þeir
reyna að leyna fyrir þér, en láttu það ekki angra
þig, því að það er vissulega ástæða fyrir þessari framkomu
þeirra. Eitt kvöldið kemur einkennileg persóna í heimsókn.
BogmannsmerkiÖ (23. nóv.—21. des.): Þetta er
tvímælalaust vika unga fólksins, því að aiit virð-
ist ætla að leika í lyndi fyrir æskunni, en ekki
þarf eldra fólkið svosem að kvíða neinu. Helgin
verður mjög skemmtileg og er tilvalin til þess að
fara í smáferðalag. Ef þú ferð í þetta ferðalag, skaltu ekki
láta það dragast. Það verður lengra en gert var ráð fyrir.
GeitarmerkiÖ (22. des.—20. jan.): Vikan verður
þægileg, þótt naumast sé hægt að kalla hana
skemmtilega. Þó verður eitt kvöldið, líklega föstu-
dagskvöldið, afar óvenjulegt og skemmtilegt. Þat'
kvöld færðu skemmtilega hugmynd, sem þú skalt
samt bíða með að hrinda í framkvæmd í svo sem tvær þrjár
vikur. Einhver óvissa og móða hvilir yfir sunnudeginum.
Vatnsberamerkiö (21. jan.—19. feb.): Þetta verð-
ur vika mikilla freistinga — ekki bendir samt
margt til þess að þú fallir fyrir þessum freisting-
um, en einhver, sem er þér mjög tengdur, mun
hins vegar falla í eina gildruna, og mun það þvi
miður koma sér iila fyrir þig. Kona, sem er þó nokkuð eldri
en þú, kemur í heimsókn og færir þér góðar fréttir.
Fiskamerkiö (20. feb.—20. marz): Þetta verður
ánægjuleg vika, þótt ekki sé hægt að kalla hana
viðburðaríka. Phnmtudagurinn virðist bezti dag-
ur vikunnar fyrir fólk yfir tvítugu. Gleymska
þín gæti komið þér illilega í koll í vikunni, eink-
um ef það stafar af vanrækslu við eitthvert skyldustarf.
Farðu umfram allt varlega með peningana í þessari viku.
Stjörnuspáin gildir frá fimmtudegi til fimmtudags.
B
Glaért —POLYTEX— til blöndunar í
— POLYTEX-málningu, gefur meiri
gljáa og auðveldar hreingerningu.
— POLYTEX— plastmálning
er mjög auðveld í meðförum
og ýrist lítið úr rúllu.
— Viðloðun er frábær á nýja
sem gamla málningu.