Vikan - 02.07.1964, Qupperneq 27

Bifreiðaslóðir á miðháiendinu
íslenzku óbyggðirnar eru töfrandi heimur, sem laðar sífellt fleiri ferðamenn til sín á sumri hverju. Það er ótrú-
legt, hvað víða eru komnir sæmilegir vegir um hálendið, já, raunar eru sumir þeirra fyllilega sambærilegir við vegi
í þyggðum — þann tíma sem þeir á annað borð eru færir. Margir eru þeirrar skoðunar, að íslenzku öræfin séu sterk-
asta tromp okkar þegar til' þess kemur að veita straumi erlendra feraðmanna til íslands.. Þar yrði flest nýtt fyrir þeirra
augum og þar er að jafnaði ekki gerð sú krafa um fullkomna þjónustu, sem menn gera í borgum og þéttbýli.
Helztu leiðir um hálendið eru Sprengisandsleið, Fjallabaksvegur nyrðri, Veiðivatna- og Jökulheimaleið svo og Kjal-
vegur. Eins og sjá má af kortinu eru þessar höfuðleiðir meira og minna samtengdar og meiripart þeirra leiða má fara
á jeppum og öðrum háum bílum með framdrifi.
Sigurjón Rist, vatnamælingamaður, er þrautkunnugur á hálendinu og því vanastur að standa upp í mitti í ein-
hverjum ám á þessu svæði við mælingar. Sigurjón hefur gert meðfylgjandi vegakort fyrir Ferðahandbókina og ásamt
því hefur hann skrifað í bókina nákvæma upptalningu á öllum helztu hálendisvegum. Punktalínan meðfram veginum
frá Galtalæk á Rangárvöllum og alla leið inn í Jökulheima, táknar það, að stikur hafa verið reistar meðfram allri
þessari leið með hundrað metra millibili. Svörtu þríhyrningarnir sýna sæluhús Ferðafélags íslands, en þau eru öllum
opin meðan húsrúm endist.
VIKAN 27. tbl. — gy