Vikan - 01.04.1965, Blaðsíða 10

Hér birtist bréf frá xrngri húsfreyju í sveit á
Norðurlandi. Þetta er óður einyrkjakonunnar á
íslandi anno 1965. Vikan birtir þetta bréf vegna
þess að það bregður ljósi á það hvað lífskjör fólks
á voru landi eru misjöfn, enda þótt allir hafi til
fæðis og klæða. Þetta bréf lýsir lífskjörum ungra
einyrkjahjóna. Kannske eru það ekki venjuleg
lífskjör í sveitum en alltof algeng samt. Einyrkj-
inn á enga frjálsa stund. Hann getur ekkert leyft
sér því afrakstur búsins fer allur í kostnað við
búreksturinn. Það hefur aðeins verið keypt eitt
borð í búskapartíðinni. Unga konan kvartar yfir
því, að bóndi hennar verði að leggja á sig óhóf-
lega vinnu ALLA daga ársins. Og vegna þess að
unga konan spyr, hversvegna þau fái ekki tóm-
stundir eins og annað fólk, þá væri ekki úr vegi
að spyrja, hvort vinnuhagræðing bóndans sé ekki
eitthvað gölluð. Það er alkunnugt, að vinnutími
við gegningar að vetrarlagi getur orðið stuttur,
jafnvel þótt um einn mann sé að ræða og vísitölu-
bú. Jafnvel slátturinn útheimtir ekki lengur lang-
an vinnutíma. Það er helzt á vorin og haustin,
að annir krefjast langs vinnudags af hendi bónd-
ans. Hún spyr líka, hvort hún mundi gera þjóð-
inni meira gagn með því að flytjast í kaupstað.
Því svörum við neitandi. En það er alkunnugt, að
bændur og sveitafólk geta lítið veitt sér af því
sem þykir sjálfsagt og eðilegt í kaupstöðum og
það er ófært. Stjómarvöld landsins geta ekki bú-
izt við því að nokkur maður vilji ílendast við land-
búnað meðan ekki er hægt að bera álíka mikið
úr býtum við þau störf sem ýmis önnur. Og vegna
þess að landbúnaður er þjóðarnauðsyn og landbún-
aðarstörfin oft erfið, þá sýnist jafnvel eðlilegt að
menn ættu að bera heldur meira úr býtum þar en
við önnur misjafnlega nauðsynleg þjónustu- og
milliliðastörf.
Aurarnir okkar eru steyptir og lifandi og gróa á jöröinni allt
í kringum okkur. Allt sem maðurinn minn hefur unnið fyrir
um dagana liggur í þessu.
Allan liðlangan daginn er maðurinn minn úti að vinna og ég
sé hann ekki nema á máltíðum. Það kemur enginn til okkar,
ég er vinalaus manneskja.