Vikan - 12.03.1970, Blaðsíða 3

11. tölublaS - 12. marz 1970 - 32. árgangur
I ÞESSARI VIKU
Piltur og stúlka, fyrsta íslenzka skáldsagan
eftir Jón Thoroddsen, hefur notiS mikillar
hylli í leiksviðsbúningi frænda höfundarins,
Emils Thoroddsen. Nú á enn að fara
að setja þennan gamla og góða leik
á svið í Þjóðleikhúsinu, og í tilefni af því
hefur VIKAN aflað sér nokkurra mynda
úr gamalli uppfærslu á þessu leikriti.
Við birtum þær í þessu blaði og ennfremur
myndir frá æfingu í Þjóðleikhúsinu.
Leikarinn góðkunni, Henry Fonda,
var fyrir nokkru að Ijúka við 72. mynd sína
og virðist enn í fullu fiöri. En hann
er ekki lengur einn um það að halda
Fonda-nafninu á lofti í heimi kvikmyndanna.
Dóttir hans, Jane Fonda, er fyrir nokkru
orðin kunn leikkona, og nú hefur sonur hans,
Peter, einnig haslað sér þar völl og þykir
mjög efnilegur leikari.
Skelfingar Biafra-styrjaldarinnar, sem nú
er loksins lokið, kalla á umræður um orsakir
og afleiðingar þessa mikla harmleiks.
í þessu blaði skrifar Dagur Þorleifsson itar-
lega grein um stríðið og rekur meðal
annars undanfara þess og orsakir, og siðan
gano ófriðarins sjálfs.
I NÆSTU VIKU
Dean Martin er einn frægasti
skemmtikraftur Bandaríkjanna. í tuttugu ár
hefur hann lifað í hamingjusömu hjónabandi
með konu sinni, Jeanne Martin. Samband
þeirra hefur verið til fyrirmyndar í þessari
borg lauslætisins. En svo bregðast krosstré
sem önnur tré, og nú hefur Dean Martin
skilið við konu sína. Við segjum nánar frá
þessu í næsta blaði.
Eins og lesendur sáu i 10. tölublaðinu er nýr
matreiðsluþáttur hafinn undir nafninu
Eldhús Vikunnar og mun Dröfn H. Farestveit
annast hann. Þátturinn birtist í öðru
hverju blaði framvegis. Þegar
næsta blað kemur út líður óðum að pásk-
um og þess vegna hefur Dröfn tekið saman
uppskriftir að páskaábætisréttum, sem
vonandi koma húsmæðrum að góðu gagni.
Þátturinn Hús og húsbúnaður hefur legið
niðri um nokkurt skeið, en byrjar nú
aftur af fullum krafti. í næsta blaði lýsum
við í máli og myndum mjög nýtízkulegum
húsgögnum, sem eru lakkmáluð og skreytt
með ýmsu móti. Þau eru einnig hreyfan-
leg og því auðvelt að flytja þau fram og aftur
og gerbreyta útlitinu í híbýlum sínum.
FORSfÐAN Það eru þátttakendur númer 2 og 3 sem prýða forsiðuna okkar
að þessu sinni. Þær heita Ásgerður Flosadóttir og Elfn Gestsdóttir. Sjá fleiri myndir
af þeim inni í blaðinu. (Ljósm. Sigurgeir Sigurjónsson).
f FULLRI ALVÖRU
MUNUM HANN JÖRUND
„Og íslandsklukkur þann dýrðardag
til dýrðar Jörundi hringja,
og lýðurinn uppi á landinu því
lærir þá kannski að syngja."
Leikrit Jónasar Árnasonar um Jörund hunda-
dagakóng, sem fyrir nokkru er byrjað að sýna
í Iðnó, hefur vakið mikla athygli og nær greini-
lega stórvinsældum. Er það varla nema makleg
virðing við minningu þessa merka sjóræningja
og fjárhættuspilara, sem var skemmtileg tilbreyt-
ing í íslenzku fásinni einmitt þegar þjóðin var
hvað dýpst sokkin í það.
Á því er varla vafi, að þótt Islendingar þeir
sem Jörundur gerði frjálsa um hálfs annars mán-
aðar stund hafi ekki tekið hann mjög alvarlega,
þá hafði þetta einstæða kúpp hans mikil sálræn
áhrif á þá og afkomendur þeirra og hefur trú-
lega orðið þeim veruleg hvöt í sjálfstæðisbar-
áttunni. Þetta hafa íslendingar hinsvegar verið
furðu tregir til að viðurkenna. Þeir hafa haft
tilhneigingu til að lita smáum augum á Jörund
og gera sem minnst úr honum og hans tiltektum.
Ástæðan til þessa er trúlegast sú, að Jörundur
var að smekk islenzkra embættismanna og presta
ekki á ytra borði nógu virðuleg persóna til að
hægt væri að telja hann með þjóðhetjum okk-
ar. Til þess var of mikið grín í tiltæki Jörundar;
það var einskonar pólitískt happening, sem virk-
aði eins og skellihlátur framan i það innan-
rotna og húmorslausa fyrirbæri sem yfirvöld
og stjórnmál yfirleitt eru. Og ekkert óttast stjórn-
málamenn og yfirvöld eins og hláturinn. Því varð
að gera lítið úr Jörundi og reyna að láta hann
falla í gleymsku.
Spursmál er hvort íslenzk pólitik hefur nokk-
urntíma verið leiðinlegri en í dag né meiri þörf
á pólitískum skeleikjum. Allavega sakar ekki
að við séum minnt á að svoleiðis leiki sé hægt
að færa upp, bæði á leiksviði og í raunveruleik-
anum. Sú sniðuga hugdetta ásamt keltnesku
söngvunum, sem fylgja Jörundi að þessu sinni,
gera vonandi marga lund léttari á þessum vetri
og lengur.
dþ.
VIKAN Útgefandi: Hllmlr hf. RitstjéH: Gylfi
Gröndal. Blaöamenn: Dagur Þorleifsson, Matthlldur
Edwald og Ómar Valdimarsson. Útlitsteiknlng: Hall-
dóra HaUdórsdóttir. AnglýslngastjóH: Jensina Karls-
dóttir. — Ritstjórn, auglýsingar, afgreiBsla og drelf.
ing: Skipholti 33. Símar 35320 — 35323. Pósthólf 533.
VerB i lausasölu kr. 50,00. ÁskriftarverS er 475 kr.
fyrir 13 tölublöS ársfJórBungslega, 900 kr. fyrir 2*
tölublöB misserislega. ÁskriftargjaldiB greiSlst fyrir-
fram. Gjaldd. eru: Nóvember, febrúar, mal og AgAst.
11. tbi. VIKAN s