Vikan - 06.11.1975, Blaðsíða 45

Sænska ljóskan Britt Ekland reyndi
fyrir nokkrum árum að feta sig upp
metorðastigann í amerískum kvik-
myndum, en varð ekki sériega mikið
ágengt, þótt hún þætti hin snotrasta.
Henni tókst þó að krækja í hinn
góðkunna leikara Peter Sellers og
var gift honum I nokkur ár. Hjóna-
handið það fór svo út um þúfur
einhverra hluta vegna, og síðan hefur
Britt Ekland leitað hamingjunnar í
faðmi karlmanna af flestum stærðum
og gerðum, en hvergi fann hún það,
sem hún leitaði að. Það var ekki
fyrr en á útmánuðum síðastliðinn
vetur, að ástin greip hana alvarlegum
tökum, og þótt Britt Ekland sé nú
komin af unglingsárunum - hún er
sögð þrjátíu og eins árs, en einhvern
grun höfum við um, að hún sé
nokkru eldri - hæfði Amor hana
beint I hjartastað á konsert popp-
arans Rods Stewarts í Los Angeles.
Henni var boðið að koma og kíkja
á kappann að tjaldabaki eftir kon-
sertinn, og það gerði hún svo ræki-
lega, að hún hefur varla litið af
honum síðan.
Rod Stewart ku líka vera ástfang-
inn upp yfir haus af þessari 'sænsk-
ættuðu frú, og þegar hann var
spurður að þvi ekki.alls fyrir löngu,
hvað það væri í fari hcnnar, sem
gcrði hana svona eftirsóknarverða,
svaraði hann:
- Nú fyrir utan þetta, sem liggur I
augum uppi, kynþokkann og allt
það, hefur hún til að bera ríka
kímnigáfu. Og svo er hún stundum
bara eins og lítil dúkka. Hún er
allt öðru vísi en allar hinar... og svo
taldi hann nokkrar þeirra upp - Paul-
ene Stone, sem hann sagði, að væri
yndisleg, Joanna Lumley, sem hann
kvaðst reyndar enn vera veikur fyrir,
og Mariam prinsessu af Jahore.
- Hún var sæt, en allt of lág í loft-
inu. Og hann hélt áfram að telja
fram kosti Britt eins og heiðvirðut
skattgreiðandi tekjur sinar. - Hún
hefur einmitt þá skapgerð, sem ég
kys, að kvenfólk hafi. Hún skiptir
sér engin ósköp af mér og hún lætur
sér vel líka, að ég sé húsbóndinn á
heimilinu.
Britt var líka spurð um sína nýju
ást.
- Þetta gerðist bara á einu kvöldi,
svaraði hún. - Svona hefur það aldrei
verið áður. Aldrei. Einhver skaut
því að henni, hvort þetta gæti þá
enst, hvort það yrði bara ekki búið
einn morguninn, þegar hún vaknaði.
- Kannski... ansaði sú ljóshærða.
- Fólk er líka alltaf að spyrja. Maður
fær engan frið til þess að þroska
þessar tilfinningar, heldur er bara
spurður út úr'strax og það lekur út,
að maður hafi verið að slá sér upp.
En vonandi er það allt hrakspár,
að ástarsamband poppstjörnunnar og
Britt Ekland fjari út innan skamms.
Þeim er víst ekki of gott að njóta i
svolítils öryggis í ástalífinu eftir öll
ósköpin, sem á undan eru gengin.
*
45.TBL. VIKAN 45