Vikan - 12.04.1979, Blaðsíða 31

ÚR SKURÐGREFTRI f
SVIÐSUÖSIÐ
Maðfylgjandi myndir tók Ragnar Th.
Sigurðsson á hljómleikum Rods Stewart í
Gautaborg í nóvember siðastliðnum.
Kappinn var ekki í vandrœðum með að ná
fram réttri stemmningu i Scandinavium en
það er hljómleikahöll, sem tekur ekki fœrri
en 12 þúsund manns í sæti.
Rokk-súperstjarnan Rod Stewart er
fæddur í London þann 10. janúar 1945.
Hann ólst upp í stórum systkinahópi og
varð snemma að hætta í skóla og fara
að vinna fyrir sér. Þá varð hann að gera
sér að góðu að grípa þau störf, sem
buðust, eins og að leggja girðingar og
grafa skurði. En hann hafði alltaf
mikinn áhuga á fótbolta, eins og frægt
er orðið, og vaknaði sá áhugi strax á
unga aldri. Hann þóttist himin hafa
höndum tekið einn daginn, þegar
honum bauðst starf sem aðstoðar-
maður hjá knattspyrnufélaginu Brent-
ford F.C. en brátt fór þó mesti glansinn
af því, starf hans var nefnilega fólgið í
því að hreinsa skó leikmannanna í
úrvalsliðinu. — Hann gafst fljótlega upp
á því og hóf leiðina, hægt og sígandi,
upp hinn þyrnum stráða veg frægðar-
innar. Hann flæktist viða um Evrópu á
sínum yngri árum, sérstaklega um Spán,
og söng og spilaði með enska þjóðlaga-
söngvaranum Wizz Jones, sem kenndi
honum að spila á banjó. Þessi tími hafði
mikil áhrif á tónlistarstefnu Stewarts, og
eins segir hann, að tónlistarmenn eins
og Sam Cooke, Eddie Cochran, Al
Jolson og Ramblin ’Jack Elliott hafi haft
mótandi áhrif á sig. En Adam var ekki
lengi í paradís, og frá Spáni var hann
sendur til baka til Englands sökum
peningaskorts. Bestu heimildir herma,
að hann skuldi flugfélaginu British
Airways ennþá flugfarmiðann.
1968 var ekki farið að bera neitt á
Rod Stewart í Englandi, en í Ameríku
gekk honum betur. Þar seldust plötur
hans, „An old raincoat wont ever let
you down” og „Gasoline Alley” grimmt,
og hann komst á siður dagblaðanna.
Það var ekki fyrr en seint á árinu 1971,
þegar hann sendi frá sér plötuna „Every
picture tells a story”, að lokatakmarkinu
var loksins náð. Lagið „Maggie May”,
sem fjallar um ástir skólapilts og gleðikonu
nokkurrar, sló í gegn og komst í
efsta sæti vinsældarlista, bæði í
Englandi og í Ameríku. Síðan hefur
Rod Stewart ekki þurft að fá lán til þess
að fljúga á milli landa. Og nú er aðal-
númerið „Blonds have more fun”.
XS.tbl. Vikan3l