Vikan - 21.06.1979, Blaðsíða 34
í leikhúsi meö ætt-
ingjunum
Kceri draumráðandi!
Mig langar að biðja þig að ráða
þennan draum fyrir mig.
Hann var á þessa leið: Mér fannst
ég vera stödd í leikhúsi í mínum bestu
fötum. Með mér voru systir mín,
bræður mínir og makar þeirra. Við
höfðum öll pantað fyrítfram fjórar
sætaraðir. Við aðra hlið mína sat systir
mín og maður hennar en enginn í
sætinu hinum megin. Bræður mínir
sátu á bekknum fyrir ofan og hjá þeim
sat strákurinn, sem ég er búin að vera
með lengi.
Rétt áður en sýningin byrjaði
kallaði ég á hann og sagði honum að
setjast í sætið, sem var tómt við
hliðina á mér, en þegar hann ætlaði að
fara að setjast þar, settist ókunnug
kona í sætið.
Rétt á eftir skrapp systir mín úrsæti
sínu. Þegar hún var farin kallaði ég á
hann og hann kom og settist hjá mér.
En eftir smástund kom systir mín
aftur. Þannig endaði nú draumurinn
og viltu ekki vera svo vænn að ráða
hann fyrir mig.
Rut
P.S. Þótt við pöntuðum fjórar sæta-
raðir man ég bara eftir þessum
tveimur.
Einhverjir fjárhagslegir erfiðleikar
steðja að en þeir eru varla svo slæmir að
ekki megi ráða bót á og er i því sambandi
um einhverja tengingu að ræða milli
ykkar systkina. Að öðru leyti er
draumurinn ekki annað en frekari
áhersla á sambandi þínu og vinar þíns,
stöðu hans innan fjölskyldunnar sem er
lausari en staða maka systkina þinna.
Bráðum koma blessuð
jólin
Kæri draumráðandi.
Mig langar til að biðja þig að ráða
þennan draum fyrir mig, sem mér
finnst nokkuð sérstakur. Hann var
svona: Mér fannst tengdafaðir minn
koma til mín og segja mér að móðir
sín sé látin. Hún hét Sigurrós og er látin
fyrir mörgum árum. Þá fannst
Mig
dreymdi
mér að ég færi til kirkju í undir-
búningsjarðarför. Þar þekkti ég engan
en við vorum látin syngja sönginn
Bráðum koma blessuð jólin. Þá komu
nokkrir hundar inn í kirkjuna oggerðu
mikinn usla svo allir fóru út. Var ég
svo á gangi eftir aðalgötu bæjarins. Þá
eru komnar á hendur mínar lúffur,
hvítar með bláum og Ijósbláum út-
saumi. Finnst mér svo að á götunni
liggi þrenn pör af vettlingum, sem ég
átti, og tók égþá upp. Einir voru
brúnir, aðrir hvítir og ég sá ekki
hvernig þeir þriðju voru á litinn.
Sendandi A.B.A.
Óvæntir atburðir breyta áætlunum
þínum og i fyrstu áttu erfitt með að
sætta þig við það. Líklega verður þú
fyrir sorg vegna einhverra nákominna,
en þegar tímar líða sættir þú þig við
atburði og tekur fremur mið af liðandi
stund. Ekki er útilokað að gamla konan
sé í þessu tilviki að leita nafns hjá þér,
en þú munt þó ekki þurfa að taka
ákvörðun í því efni alveg á næstunni.
Vettlingarnir í draumnum eru þér tákn
barna þinna og því þeir þriðju, sem þú
ekki sást, þess barns, sem ekki er enn
komið i heiminn. Börnin verða þér til
mikillar gleði og þú átt eftir að hafa
mikinn andlegan styrk af þeim síðar á
ævinni.
Mig dreymir oft stríð
Kæri draumráðandi!
Eg ætla að biðja þig að seg/a mér
fyrir hverju það er að dreyma stríð.
Mig hefur oft dreymt stríð og þá
sækja óvinirnir alltaf á okkar þorp. Þá
er ég alltaf að reyna að fela mig og
flýja. Einu sinni var það vinkona mín,
X sem reyndi að skjóta mig úr flugvél.
Með fyrirfram þökk.
Dísa
Stríð er í flestum tilvikum fyrir illdeilum
og ófriði. Ef þig dreymir oft að þú reynir
að fela þig fyrir öðrum táknar það að
þér væri hollara að sýna meiri hrein-
skiptni í samskiptum við aðra. í þessu
tilviki er langlíklegast að draumarnir séu
fyrirboðar deilna, sem verða á milli þín
og náinna vina og ættir þú að gæta þess
að missa ekki stjórn á skapi þínu.
Barnsfæðingar
í draumi
Kæri draumráðandi!
Mig langar að biðja þig að ráða
draum, sem mig dreymdi fyrir stuttu.
Hann er svona: Mér fannst systir mín,
sem á einn strák tveggja ára gamlan,
eignast strák, sem hún skírði Smára og
eitthverju öðru nafni, sem ég man
ekki. Og svo fannst mér hún eignast
annan strák og fannst mér Smári (fyrra
barnið) vera orðinn eins árs. Þegar
systir mín kom heim með strákinn,
spurði ég: Áttirðu stelpu? Þá sagði hún:
Nei, ég átti strák. Ég varð reið því ég
vildi að hún ætti stelpu. Og svo fannst
mér vinkona mín koma með strák, sem
mamma hennar átti. En mamma
hennar á engan lítinn strák, hún er 44
eða 45 ára gömul. Mér fannst þessi
strákur systur minnar og mömmu
vinkonu minnar ofboðslega líkir.
Með fyrirfram þökk fyrir birtinguna.
Ein að vestan.
Líklega er draumurinn þér fyrir smá-
vægilegum erfiðleikum, sem gleymast
fljótlega. Þó gæti þama einnig verið um
það að ræða að þetta sé fyrirboði barns-
fæðingar í fjölskyldu þinni og sértu
berdreymin gæti jafnvel verið um hreint
berdreymi að ræða, þannig að á þessum
tveimur heimilum fæðist innan tíðar tvö
eða jafnvel þrjú sveinbörn.
34 Vikan *5. tbl.