Vikan - 20.03.1980, Page 4

Jónas Kristjánsson skrifar um íslensk veitingahús
Ódýra
steikhúsið
Brauðbær við Óðinstorg cr notaleg
matstofa af hæfilegri stærð. 40-50 sæta
eins og Laugaás og Hornið. Brauðbær er
lika I sama lága verðflokknum og hin tvö
og virðist töluvert sóttur af barnafólki,
enda er boðið upp á sérstakan barna
matseðil.
Brauðbær er fyrst og frcmst steikhús
að bandariskum hætti. Lamba- og
nautasteikur tróna miðskips á
matseðlinum, en litið er lagt upp úr fisk-
réttum. Brauðbær er án efa í fremstu röð
slíkra veitingastofa hér á landi.
Mér finnst matreiðslan mun betri i
Laugaási og innréttingar skemmtilegri á
Horninu. Þá hefur Hornið fulla
þjónustu og Laugaás treikvart þjónustu.
en Brauðbær býður aðeins upp á sjálfs-
afgreiðslu. Slíkt reynisl gestum oft
ónæðissamt.
Afgreiðslan i Brauðbæ er elskuleg og
hjálpsöm. Eldamennskan er snör og
örugg, en hvilir I öruggum faðmi meðal-
niennskunnar. Segja má, aö þarna sé
enginn matur vondur, en enginn heldur
góður. Er það raunar betri umsögn en
hér hefur verið gefin um suma dýrari
veitingastaði.
Brauðbær er hreinlegur staður,
dimmur og nijög þröngur. Andrúms-
loftið er þægilegt og rólegt. Stólar eru
þægilegir og luktir skemmtilegar.
Tónlistin að tjalúabaki mætti vera
aðeins lægri. En barnastólarnir eru vel
þegnir.
Steinflisar eru á gólfi. Grófar trésúlur
og grófir tréveggir setja svip á staðinn.
sem og batikmyndirnar fyrir ofan tré-
veggina. Úr opnu eldhúsinu heyrist ekki
óþægilegur hávaði. Og þaðan berst ekki
lykt af aldraðri steikarfeiti.
Enginn matseðill dagsins er i
Brauðbæ. Þar er eingöngu byggt á fasta-
seðlinum. Á honum enda öll verð á 90
krónum. Þar er um að ræða frávik frá
hinni amerísku hefð. þar sem öll verð
enda á 95 sentum. Af hverju neita sér
um fimmkallinn?
Ýsa fyrir börn
Felix með frönskum var réttur
nokkur á barnamatseðlinum. Það var
djúpsteiktur fiskur. bara nokkuð góður.
með hæfilega þunnri og harðri skorpu.
Þær frönsku voru sæmilegar.
Súkkulaðiís fylgdi þessunt rétti. að
minnsta kosti til þeirra barna, sem luku
af diskinum. Og á reikningi kvöldsins
var þessi fiskur og is alls ekki bókaður til
verðs.
Og meiri ýsa
Dálæti sjómannsins eða ofnbakaður
fiskur nteð hvitlauksbrauði reyndist
einnig hafa i farangrinum ostsósu og
dósasveppi. Þetta var ýsa, bökuð I sós-
unni og kom snarpheit úr ofninum. Hún
var nokkuð mikið bökuð. en sarnt ennþá
góð á bragðið. Ostsósan var I lagi. en
nokkuð sterk. Hvitlauksbragðið af
brauðinu var hæfilega milt. Verðið er
2.790 krónur.
Lambateinn
Draumur kaupmannsins eða „shish
kebob með rispilav" reyndist vera grillað
lambakjöt, laukur og vinarpylsubitar á
teini. Sem meðlæti var ágætt hrásalat og
hrisgrjón i sósu. Lambakjötið sjálft var
þrælgrillað til siðasta safadropa. Verðið
er 2.490 krónur.
Lambalundir
Lantbalundir Café de Paris með
samnefndu smjöri. bakaðri kartöflu.
hrásalati og brauði, smurðu lifrarkæfu.
höfðu einnig meðferðis belgbaunir og
sveppi úr dós. Lundirnar voru vafðar
upp og festar þannig með tannstönglum.
Þær voru dálitið mikið steiktar. en þó
örlaði fyrir bleiku i miðju. Verra var.
hversu ótæpilega þær voru kryddaðar.
Bakaða kartaflan var aðeins hálfbökuð.
Hrásalatið var ágætt. En lítið fór fyrir
brauðinu og kæfunni.
Hin franska Larousse alfræðiorðabók
um mat kannast ekki við Café de Paris
smjör. þótt þar séu áreiðanlega fleiri en
hundrað mismunandi kryddsmjör. En
mönnum leyfist liklega að koma á frant-
færi uppfinningum á styttri leið en frá
ítala-breiðstræti að Óðinstorgi.
Verð lundanna er 3.890 krónur.
1 t mmmmm bh' i wmá
ej
G/æsi/egt úrval
af GÓLFDÚKUM
SÍÐUMÚLA 15
SÍMI
33070
Piparlamb
Sítrónupiparsteik eða lambabuff með
rjómapiparsósu og fleiru hafði i farangr-
inum bakaða kartöflu og belgbaunir.
Kartaflan var hálfbökuð og baunirnar
voru úr dós. Lambakjötið var þræl-
steikt og gifurlega piprað, en sósan var
bara nokkuð góð. Verðið er 3.690
krónur.
Nautalundir
Brauðbæjar besta steik eða nautalundir
með ristaðri skinku. sveppum. hrásalati,
bakaðri kartöflu og béarnaise sósu hafði
einnig með sér belgbaunir og lauk. Beðið
var um lundirnar hrásteiktar. en þær
komu miðlungi steiktar. Þær voru þó
meyrar og bragðgóðar. Sem betur fer
voru þær ekki ofkryddaðar. Hrásalatið
góða hæfði kjötinu vel. Ristaða skinkan
og dósasveppirnir voru hins vegar bara
að flækjast fyrir. Bakaða kartaflan var
hálfbökuð. Sósan var sæmileg. Verðið
er 5.890 krónur.
Kjúklingur
Glóðarsteiktur kjúklingur með salati.
sveppasósu og frönskum kartöflum var
of mikið grillaður og farinn að verða
seigur og bragðdaufur. Frönsku kartöfl-
urnar voru sæmilegar og hrásalatið var
gott að venju. Hálfur kjúklingur kostar
3.990 krónur og fjórðungurinn 3.290
krónur.
4 Vikan 12. tbl.