Vikan - 22.05.1980, Side 11

Guðbjörg ð sviðinu i
Austúbæjarbíói kvöidið
sigurssala.
„Fannst þetta
allt ægilega
spennandi!”
Keppnin um titilinn fulltrúi ungu kynslóðar-
innar fór fram fjórum sinnum á árunum 1967-
1970 og nú er komið að því að kynna síðasta
sigurvegarann. Guðbjörg A. Haraldsdóttir heitir
stúlkan sem hreppti titilinn árið 1970 og var
hún þá 16 ára gömul. í viðtali við Vikuna
sagðist hún hafa mjög gaman af að ferðast og
hafði hún þá heimsótt ein 16 lönd. Ekki höfðu
þessar útilegur þau áhrif á hana að hún flyttist
úr landi því íReykjavík býr hún nú, tíu árum
seinna. Blaðamaður hitti hana að máli og
forvitnaðist um ástæðuna fyrir því að hún fór í
keppnina og hvað á daga hennar hefur drifið:
„Af hverju ég tók þátt í keppninni?
Ja, ég hafði fylgst með þessari keppni frá
þvi ég var 12 ára og alltaf fundist þetta
ægilega spennandi. Svo allt í einu var ég
sjálf orðin nógu gömul til að taka þátl í
ævintýrinu! Þvi gat ég ómögulega sagt
nei þegar mér bauðst þátttaka. Ég gerði
mér i rauninni enga grein fyrir því út i
hvað ég var að fara, mér fannst bara nóg
að fá að vera með. Það var svo ekki fyrr
en nokkrum dögum áður en keppnin fór
fram að ég i rauninni uppgötvaði að það
var verið að keppa um titil og verð-
laun.
Eftir úrslitin fékk ég vinnu í Karnabæ
og prófaði hvernig það er að vinna við
módelstörf. En fljótt uppgötvaði ég að
það átti engan veginn við mig. Ég fékk
líka tilboð frá Ford I Bandarikjunum og
Christu Fidler í Frakklandi, en ég var
svo ung að ekkert varð úr að ég tæki
þeim tilboðum. Ég var alls ekki nógu
köld og ákveðin til að leggja út á þessa
braut og þvi duttu allar sltkar áætlanir
upp fyrir. En þetta var verulega
skemmtilegur tími og það var eins og ég
vaknaði til lífsins eftir þetta. Ég man líka
eftir einu atviki stuttu eftir keppnina.
Þar sem ég hafði hlotið þennan titil átti
ég að vera fyrirmynd allra unglinga og
ég fann að það var mikið fylgst með mér.
Svo var það að ég var i diskótekinu Las
Vegas, stend þar í sakleysi minu og
drekk kók. Þá rýkur að mér stúlka,
þrífur af mér glasið, þefar úr þvi og
drekkur siðan sopa. Hún var bara að
athuga hvort ég væri nú ekki örugglega
verðugur fulltrúi ungu kynslóðarinnar!
Ef við færum okkur aftur i nútiðina
þá er það að segja að ég hef unnið i
Vörumarkaðnum i tæp þrjú ár og er
nýgift Ingvari Ásgeirssyni. Sýningar-
stúlkudraumurinn er löngu liðinn en
þegar ég lít til baka sé ég að ég álti
verulega skemmtileg unglingsár og
þakka bara fyrir það.” HS
XI. tbí. Vikan II