Vikan - 17.07.1980, Blaðsíða 15
„Já, ég man vel eftir Laxness," sagði
Bernhard Muller, tæplega sjötugur
niunkur í Clervaux-klaustrinu i Luxem-
bourg þegar Vikan heimsótti hann og
klaustrið nýverið. „Að vísu var ég ekki
orðinn munkur þá, varð það ekki fyrr en
1930, en bróðir minn var hér og hjá
honum dvaldi ég oft í fríum mínum.
Laxness var fátækur þegar hann dvaldi
hér en hann fékk allt frítt og ég held að
hann hafi í alvöru verið að hugsa um að
gerast munkur sjálfur. í þá daga vorum
við miklu fleiri hér, 100 munkar á móti
40 nú.”
Klaustrið i Clervaux var stofnað 1909
og tekið i notkun ári síðar. Markmiðið
með stofnun þess var að biðja fyrir aft-
urhvarfi norrænna þjóða til kaþólsks
siðar og hefur það nú verið ástundað í
heil 70 ár án árangurs. Munkarnir una
þó glaðir við sinn hag, bænagerðir og
kaffibrennslu, en kaffi selja þeir ferða-
fólki á vægu verði. Kaffið er afar gott þó
ekki sé það himneskt. En munkarnir í
Clervaux muna tímana tvenna. I heims-
styrjöldinni siðari skemmdist klaustrið
mikið, ekki vegna sprengjuárása heldur
vegna þess að Þjóðverjar fluttu þar inn
og gerðu mikinn óskunda:
„Þjóðverjar komu hérna 1. janúar
1941 og ráku okkur út. Ætlun Hitlers og
hans manna var að breyta klaustrinu í
stúlknaskóla og i því skyni voru brotnir
niður veggir hérna og margt fært úr
skorðum. Sem betur fer vannst þeim
ekki tími til að hrinda hugmynd sinni
endanlega i framkvæmd og við snerum
aftur haustið 1946, ef ég man rétt.”
Bernhard Muller þekkir vel til Islands
þar sem hann dvaldi hér 1956,' bæði í
Landakoti og klaustrinu i Stykkishólmi.
Sérstaklega er honum minnisstæð bil-
ferðin frá Reykjavík til Stykkishólms, og
til baka, enda mun ástand vega ekki hafa
verið með besta móti 1956. Bernhard er
vel lesinn i bókum Laxness en hefur þó
vissar áhyggjur af nóbelsskáldinu og
fyrrum reglubróður sínum: „Ég held að
siðferði Laxness hafi hrakað siðan hann
var hér hjá okkur. Er það ekki annars
satt að hann eigi mörg börn og sé tvígift-
ur?"
E.J.
c>
Bernhard Muller á tröppum
Clervaux-klaustursins þar sem
hann hefur veriö munkur í 50 ár.
díS
s.
v^^St -•ssSt
29. tbl. Vlkan 15