Vikan - 26.02.1981, Side 10

Leikhúsfólkið leikur sér
Leikarar og leikhúsfólk kunna ekki
aöeins að skemmta öðrum heldur og
sjálfu sér og það hressilega. Starfsmenn
leikhúsanna í höfuðborginni héldu
nýlega árshátíð-þorra-blót á Hótel Sögu.
Til þess að þessi hátíð ylli sem minnstri
röskun á leikhúslífinu í borginni var hún
haldin á mánudagskvöldi. Alþýðu-
leikhúsmenn gátu þó ekki mætt til
fagnaðarins fyrr en seint og siðar meir
vegna sýningar.
Að sjálfsögðu var boðið upp á þrumu-
góða skemmtidagskrá. Kjartan Ragnars-
son spilaði og söng við góðar undirtektir.
Boðið var til hæfileikakeppni meðal
aðstandenda leikhúsanna. Allir vita að
leikararnir geta leikið með ágætum. En
aðrir hæfileikar þessa ágæta fólks fá
sjaldnar að njóta sin. Pétur Einarsson
skólastjóri Leiklistarskólans getur til
Flosi Ólafsson, Siguröur Sigurjónsson, Valgarður Egilsson og Herdfs
Þorvaldsdóttir fylgjast með skommtiatriðunum.
dæmis sparað ríkissjóði dýrmætar
þorskakrónur með því að taka sjálfur að
sér (og væntanlega kenna leikaraefnun-
um) að framleiða öll leikhljóð svo sem
fuglasöng, óveður, ískur í hurð. Árni
Tryggvason er snjall ræðuskörungur á
frönsku og getur leikið heila hljómsveit.
Sigríður Þorvaldsdóttir og Edda
Þórarinsdóttir kunna nokkur lög á píanó
og syngja auk þess eins og englar.
Guðrún Ámundadóttir, þess má geta að
hún er eiginkona Karls Guðmundssonar.
flutti minni húsmóðurinnar, bráðsnjallan
brag um töfra húsmóðurstarfsins. Of langt
mál yrði upp að telja allt sem var þar til
skemmtunar, en ljóst var að gestirnir kunnu
vel að meta uppátækin og það var glatt á
hjalla.
u
10 Vikan 9. tbl.