Vikan - 26.02.1981, Side 37

.1
Súlnasalurinn á Hótel Sögu gerðist
óvenju hlýlegur og notalegur á
fimmtudagskvöldið 12. febrúar
síðastliðinn. Þar komu saman
nokkur hundruð tónlistaráhuga
manna til að hlýða á úrslit vinsælda
kosningar um poppstjörnur siðast
liðins árs.
Heiðursgestur Stjörnumessunnar
var Ragnar Bjarnason, sem kannski
má nefna sígildan poppara. Við
sjáum hann ásamt konu sinni Helle
Bjarnason (mynd 1).
Lesendur Dagblaðsins og Vikunn-
ar kusu Helgu Möller söngkonu
ársins (2).
Tónlistarmaður ársins, Gunnar
Þórðarson (3), lék nokkur létt lög við
söng Björgvins Halldórssonar (4).
Stjörnumessugestir söknuðu þeirra
sem fóru með yfirburðasigur af
hólmi i vinsældakosningunni: Utan-
garðsmanna. Einar Örn (5) mætti
fyrir hönd þeirra' og tók við 12
verðlaunagripum.
Mest selda platan árið 1980 var
„Meira salt" áhafnarinnar á Hala-
stjörnunni: Maria Baldursdóttir, Rún-
ar Júlíusson og Gylfi Ægisson (6)
sungu „Stolt siglir fleyið mitt" á
Stjörnumessunni.
Árni Páll og Magnús Kjartans
hönnuðu verðlaunagripinn, en
Hendrik Berndsen gerði salinn á
Sögu lifandi og afar viðkunnanlegan
með blómum. Þeir sjást á mynd 7
ásamt stjórnendum Stjörnu
messunnar, Ásgeiri Tómassyni og
Ómari Valdimarssyni.
Jóhann Helgason, lagahöfundur
ársins, vakti sérstaka athygli með
tveim nýjum lögum sem hann flutti á
messunni (8). Og ekki voru Þursarnir
sistir með vinsælasta lag ársins
„Jón var kræfur karl og hraustur",
sem Þórður Árnason og Tómas
Tómasson fluttu (9) ásamt öðrum
Þursum.