Vikan - 19.11.1981, Qupperneq 5

Kvikmyndir
Bókin gerist í og í nágrenni Lyme
Regis í Dorset á Suður-Englandi og
kvikmyndin er tokin upp á
nákvæmlega sömu stöðum. Einn
þeirra staða sem mikið kemur við
sögu er skógarlundurinn fagri
Undercliff. Að mati siðavandra
bæjarbúa er sá staður lastabæli hið
mesta því þar sjást elskendur hald-
ast í hendur og guð má vita hvað
gerist inni á milii trjánna. Sara sást
stundum á ferli þarna og það olli
mikilli hneykslun meðal kjafta-
kerlinganna.
Ást á Viktoríutíma
Aðalþráður 19. aldar sögunnar í bók-
inni er í stuttu máli sá að ungur aðals-
maður, Charles Smithson, kemur til
smábæjar við strönd Suður-Englands
ásamt unnustu sinni, Ernestínu
Freeman. Hún er einkadóttir vellauðugs
vefnaðarvörukaupmanns. Hún er
mörgum árum yngri en hann, falleg,
aðlaðandi en ákaflega einföld og barna-
leg og mjög mótuð af borgaralegu
uppeldinu. Charles er hins vegar af
gamalli og gróinni aðalsætt. Hann er
náttúrufræðingur og hefur að flestu leyti
mjög ólík lífsviðhorf og hún. En hjóna-
band þeirra er sérlega heppilegt. Hún á
peninga, hann á von á aðalstitli, hún er
bálskotin í honum og honum finnst hún
falleg og fyrirtaks eiginkonuefni.
Eitt sinn þegar hjónaleysin eru á
gangi sér til skemmtunar meðfram
klettóttri ströndinni koma þau auga á
einkennilega konu. Kona þessi er álitin
hálfrugluð, sögð bíða við hafið eftir
komu elskhuga síns. Hún er kölluð
„lagskona franska liðsforingjans” sem
merkir ekkert annað en hórkona í
hugum siðprúðra bæjarbúa sem hafa út-
skúfað henni úr samfélagi sínu.
Konan, sem heitir Sara Woodruff, er
fátæk kennslukona og verður mikill
örlagavaldur í lífi Charles. Þau hittast
oftar, fyrst af tilviljun, síðan af yfirlögðu
ráði. Hann laðast að þessari undarlegu
konu, sem er ekki fögur en hefur
einstakt, ómótstæðilegt augnaráð og er
ögrandi stolt í auðmýkingunni.
Um síðir trúir Sara Charles fyrir sögu
sinni um samband sitt og franska elsk-
hugans. Hann hafði tælt hana, hún látið
undan og gerst ástkona hans. Hún
skammaðist sin ekki fyrir það en henni
var útskúfað og útskúfunin gaf lífi
hennar á vissan hátt ákveðinn tilgang,
þar sem áður var ekkert.
Samband Charles og Söru verður
sifellt ástríðufyllra. Hún flytur úr
bænum, hann kemur að finna hana og
þau elskast á hótelherbergi. Þá kemur í
ljós að Sara er óspjölluð og saga hennar
um franska elskhugann því eitthvað
47. tbl. Vikan 5