Vikan - 28.05.1987, Side 56

STJORNUSPA
SPÁIN GILDIR FYRIR VIKUNA
31. MAÍ-6. JÚNÍ
HRÚTURINN 21. mars-20. apríl
Aðgæslu er þörf í meðferð fjármuna.
Einkum ættir þú að vera vel á verði
kringum miðja vikuna og vera má
að þú eigir fullt í fangi með að verja
það sem óumdeilanlega er þitt en
aðrir ásælast. Þú ættir að glöggva
þig á hverjar langanir þínar eru og
hvaða samböndum þú vilt viðhalda.
TVÍBURARNIR 22. maí-21. júní
Vertu við öllu búinn og láttu engan
koma aftan að þér. Sú staða kemur
sennilega upp að þú verðir að gera
mönnum grein fyrir hvar þú stendur
í ákveðnu máli. Hikaðu hvergi, mál-
staður þinn er býsna góður og það
hefur slæmar afleiðingar ef þú freist-
ast til að leika tveimur skjöldum.
LJÓNIÐ 24. júlí-23. ágúst
Sitthvað hefur verið að brjótast í þér
og nú er tímabært að taka af skarið
varðandi framtíðaráætlanir sem
mælast misjafnlega fyrir. Hafðu
samráð við þá sem málið varðar en
láttu úrtölur ekki draga úr þér kjark-
inn. Heilsan fer batnandi, einkum
ef þú ástundar heilsusamlegt líferni.
VOGIN24.sept.-23.okt.
Þótt hreinskilni sé góðra gjalda verð
skaltu hafa í huga að oft má satt
kyrrt liggja. Þér kæmi að minnsta
kosti betur að einhver annar kvæði
upp úr með það sem kemur óneitan-
lega illa við marga. Þú þarft heldur
ekkert að standa hverjum sem er
skil á fyrirætlunum þínum.
BOGMAÐURINN 24. nóv.-21. des.
Borið hefur á misklíð og þér fellur
ekki alls kostar að þurfa að standa
í hálfgerðu rifrildi. Þótt þú hafir
þegar gert upp hug þinn og ekkert
virðist fá haggað skoðun þinni ætt-
irðu að leggja þig fram um að leita
lausna sem allir geta sætt sig þokka-
lega við.
VATNSBERINN 21. jan.-19. febr.
Þú hefur hug á að breyta til og þér
gefst tækifæri til þess á næstunni.
Þú skalt hafa augun opin fyrir nýj-
ungum og möguleikum á að víkka
sjóndeildarhringinn. Vertu óhrædd-
ur við að varpa fyrir róða rótgrónum
en ástæðulausum venjum og láttu
viðbrögð annarra ekki á þig fá.
NAUTIÐ 21. apríl-21. maí
Þú hefur ríka þörf fyrir stöðugleika
og ert í vafa um að fjárhagurinn
þoli það sem í bígerð er. Ekki virð-
istu þó hafa neitt að óttast ef fram
heldur sem horfir. Slepptu öllum
vangaveltum og njóttu þess sem fyr-
ir ber og þú hefur svo sannarlega
ástæðu til að þakka.
KRABBINN 22. júní-23. júlí
Fleira er matur en feitt kjöt og þótt
þér hlotnist ekki ævinlega það eftir-
sóknarverðasta skaltu ekki vanmeta
það sem í þinn hlut kemur. Góð
vinátta er gulli betri og nú er ástæða
til að leggja rækt við vináttu sem
stendur tæpt en reynist þér dýrmæt
þegar á reynir.
MEYJAN 24. ágúst-23. sept.
Ekki dugar að tala endafaust upp i
eyrun á fólki. Þú verður að taka
afstöðu, ella kemstu í óþægilega
mótsögn við sjálfan þig. Reyndu að
setja þig í annarra spor og gera þér
grein fyrir hvers vegna þínir nánustu
eru orðnir þreyttir á hugdettum þín-
um og skýjaborgum.
SPORÐDREKINN 24. okt.-23. nóv.
Hvað hefur sinn tíma og þú verður
að deila kröftunum af eins mikilli
sanngirni og kosturer. Þér hættir til
að vanrækja ýmsar skyldur þegar
þú ert upptekinn af eigin viðfangs-
efnum og gleymir þá gjarnan að
ýmsir eiga meira undir þér en þú
undirþeim.
STEINGEITIN 22. des.-20. jan.
Þú átt von á uppörvun, sem þér er
mikils virði, og hefur fulla ástæðu
til bjartsýni. Eftir annasamt tímabil
verður nokkurt hlé sem vel er til
þess fallið að slaka ærlega á og safna
kröftum. Þetta verður sem sagt að-
eins stund milli stríða en miklu
varðar að láta hana ekki ónotaða.
FISKARNIR 20. fcbr.-20. mars
Sitthvað gæti orðið til að raska ró
þinni og mikið má vera ef þolin-
mæðin á ekki eftir að bresta.
Atburðir næstu daga hafa haft lang-
an aðdraganda og hvaða leið sem
þú velur mun kosta fyrirhöfn og
útsjónarsemi að koma þeirri skipan
á daglegt líf sem þú æskir.
Fólk er misvel í stakk búið til að kljásl við hin ýmsu við-
fangsefni sem lífið færir því. Hver hefur sínar aðferðir og flestir
styðjast við eigin reynslu í þeim efnum. Stjörnuspekin getur
reynst mönnum gagnleg ef þeir vilja nýta sér hana og nokkuð
er misjafnt hvað hentar fólki í mismunandi stjörnumerkjum.
Hér fara á eftir nokkur heilræði tvíburum til handa.
Tvíburum hættir til að ofgera sér og skirrast við að taka mark
á viðvörunum líkamans þegar þreytu gætir. Þeini er þó mikil
nauðsyn á reglulegri hvíld því að án hennar halda þeir ekki
þreki og kröftum. Þeir ættu að temja sér að eiga daglega ró-
lega stund einir með sjálfum sér til að endurnýja orkuforðann.
Jógaæfingar með slökun, þó ekki sé nema stutta stund í einu.
henta tvíburum sérdeilis vel.
Tvíburar eru manna ólíklegastir til að láta sér leiðast en pen-
ingaleysi angrar þá gjarnan, sömuleiðis þurfa þeir mjög á
félagsskap að halda. Þegar tvíburinn er niðurdreginn er ein-
faldasta ráðið fyrir hann að lyfta símtólinu og spjalla dálitla
stund við góðan vin. Sé vinurinn rétt valinn hverfa leiðindin
venjulega eins og dögg fyrir sólu. Annars eru tvíburar yfirleitt
í hlutverki gleðigjafans, þeir hafa auga l’yrir því skemmtilega
og gera þá kröfu til samferðamannanna að þeir hrífist með.
Þess vegna er synd ef tvíburi steypir sér í leiðindi yfir dapurleg-
um hugrenningum.
Senn fer tími sumarleyfa í hönd ogerekki úr vegi að athuga
hverjar horfureru á að tvíburar leggist í ferðalög á þessu ári.
Fyrir marga þeirra verður þetta árið sem þeir áttu kost á
óvenjulega miklum ferðalögum. Margir tvíburar munu fara í
langa ferð, gjarnan tengda starfi eða áhugamáli á félagsmála-
sviði. Slíkar ferðir sameina gjarnan starf og skemmtun og
munu einkurn reynast ógiftum tvíburum eftirminnilegar. Þeir
sem ekki eiga kost á langferðum eru líklegir til að takast á
hendur margar stuttar ferðir og fjölskyldufólk verður trúlega
á rneiri þeytingi en venja er til. Tvíburinn ætti að gæta að því
að ferðalög eiga ekki eins vel við alla og þá sjálfa, þau geta
verið þreytandi og ekki er vist að allir í fjölskyldunni séu sam-
mála um að randið sé svona skemmtilegt.
56 VIKAN 22 TBL