Vikan - 28.05.1987, Qupperneq 58

Anna Concetta Fugaro:
Anna Concetta Fugaro er engin hvunndagskona.
Hún er af ítölsku og íslensku bergi brotin, alin
upp í New York og hefur ferðast út um allan
heim og kynnst margs konar fólki og lífsvenjum.
Eftir nokkurra ára flakk skolaði henni loks til
íslands þar sem hún hefur búið síðastliðin þrettán
ár. Anna vinnur klippimyndir eða „collage“ eins
og venjulega er sagt. Þetta er ævagamalt form
og hefur verið mikið stundað í Austurlöndum.
„Collage“ er hennar leið til að nálgast raun-
veruleikann. Hún klippir út ljósmyndir úr
tímaritum og blöðum og fellir saman auk þess
sem hún málar í myndirnar og úðar lími á
skemmtilegan hátt. í myndum sínum sameinar
hún ólík tímaskeið og nær fram nýjum víddum.
Myndirnar eru mjög fallegar, ótrúlega lifandi og
litríkar. „Kvenlegar og fínlegar eins og hún sjálf,“
sagði einhver. Þau ár, sem höfðu hvað mest áhrif
á listsköpun Önnu og stíl, voru árin sem hún bjó
í Asíu. Þar af bjó hún í tvö ár í Kathmandu í
Nepal. Þar segist hún hafa lært að gera ævintýra-
myndir í framandi veröld. Daglegt líf fólksins, trú
þess og ægifögur náttúra þessarar framandi álfu
höfðu mikil áhrif á hana. „Mest af myndum
mínum er byggt á draumum. í dag er Kath-
mandu svo langt í burtu frá mér, líkt og draumur.
Tíminn máir það sem ég upplifði fyrir austan en
mig langar stöðugt til að endurskapa minning-
arnar og þá reynslu sem ég varð fyrir, hún breytti
allri lífssýn minni og list.“
Anna Concetta Fugaro.
Myndir: Valdís Úskarsdóttir
Texti: Jóhanna Margrét Einarsdóttir
58 VIKAN 22. TBL
\