Vikan - 20.04.1989, Blaðsíða 46
HJOMABAMD
ÉG ER SEINNI
KONA MANNSINS MÍNS
Hvernig gengur þér að takast ó við fortíð mannsins þíns?
Hvaða vandamól þarftu að glíma við? Hvernig tekstu ó við þau?
ÞÝÐING: SIGRÚN HARÐARDÓTTIR
Há skilnaðartíðni gerir það að
verkum að sífellt fleiri ógiftar
konur horfast í augu við það að
tilvonandi sambýlis- eða eiginmaðurinn er
fráskilinn. Er þetta galli, eða gæti það verið
kostur? Mun það kosta endalaus símtöl til
fýrrverandi eiginkonunnar til þess að
komast að samkomulagi um hver haíi
börnin um helgina, háan kostnað vegna
meðlagsgreiðslna, eða þýðir það þroskaðri
og umhyggjusamari eiginmann sem er
ákveðinn í að endurtaka ekki sömu mis-
tökin?
Ef þú hefur ákveðið að taka áhættuna
ertu sjáifsagt komin á kaf í hamingjusam-
legt heimiiislíf...eða hvað? Það væri skort-
ur á raunsæi að gera ráð fýrir því að líf
seinni konu haldist ósnert af fyrra hjóna-
bandi mannsins hennar. En með því að
fylgja nokkrum einföldum reglum get-
urðu einfaldað lífið talsvert fýrir þér og
manni þínum.
Að tala illa um
fyrrverandi eiginkonuna
Þótt maðurinn þinn tali á stundum illa
um fýrri konu sína er það ekki sniðugt af
þér að taka þátt í illmælginni, því það er
auðvitað satt að tvær hliðar séu á hverju
máli og þú græðir ekkert á því að flækja
þig í slíka gagnrýni.
Þú skalt reyna eins og þú getur að sýna
þagmælsku. Það má vera að maðurinn sé
sár og reiður, en fyrri kona hans hefur ekki
gert þér neitt. Ef þú stendur þig að því að
samsinna því að hún hafi örugglega verið
viðbjóðslegasta mannveran á hnettinum
þá gæti það stafað af óöryggi frá þinni
hendi um samband þitt við manninn þinn.
En ef þú viðurkennir það fyrir þér að hún
er raunveruleg manneskja, en ekki hold-
gervingur hins illa, þá mun maðurinn þinn
bera meiri virðingu fyrir þér og þá verður
líka auðveldara fyrir þig að hafa samskipti
við hana, sem er mjög líklega nauðsynlegt,
einkum ef börn eru með í spilinu.
Ef þér finnst hún raunverulega erfið þá
skal því ekki gleymt að kímnigáfan leysir
oft upp spennu í erfiðum kringumstæðum.
Ein hjón uppnefndu þá fýrrverandi
„Ljúfu“, af því að hún var það alls ekki!
Munu vinir hans
meðtaka þig?
Fyrr eða síðar hittirðu vini mannsins
þíns, fólk sem þekkti og líklega líkaði vel
við fyrrverandi konuna hans. Auðvitað er
það ekki spennandi tilhugsun, en hvernig
er best að snúa sér?
Vertu jákvæð og reyndu að búast ekki
við kraftaverkum. Minntu sjálfa þig á að
maðurinn þinn er með þér núna vegna
þess að hann langar til þess að vera það.
Segðu honum hvernig þér líður til þess að
hann geti talið í þig kjark. Mundu að við-
brögðin verða misjöfh, en það er næstum
því öruggt að einhver stífni verður þar til
að byrja með. Þessu skaltu mæta með ró-
legu brosi. Vonandi hermir fólkið það eftir
þér. Gerðu því ljóst að þú munir ekki fara
hjá þér þótt minnst sé á fýrri konuna í
þinni viðurvist. Þú gætir sagt sem svo:
„Eins og ég var að segja við Ingu um
daginn..." Eða, ef þú getur ekki fengið þig
til þess að nota þesskonar félagslegt for-
varnarkerfi, láttu þá fólkið vita að það sé í
lagi að minnast á hana. En ef athugasemd-
irnar verða of sterkar með eða á móti
henni, eða skotin á þig of hörð, skaltu
draga þig virðulega í hlé. Þetta fólk er
bara áhorfendur að sambandi þínu og
hversu miklu skiptir álit þess þegar á allt
er litið?
44 VIKAN 8. TBL 1989