Vikan - 19.10.1989, Side 51

Þegar von og birta
voru í líH þínu
og hjónabandi...
Mig dreymdi eftirfarandi draum. Mér
fannst ég vera á ferðalagi, hér á
landi eða erlendis. Ég var stödd úti við.
Heitt var í veðri, glampandi sól og heiðskír
himinn. Börnin mín og bróðurdóttir voru
léttklædd að leik í kringum mig. Mér
fannst þau yngri í draumnum en þau eru
nú, líkt og ég færi nokkur ár aftur í tímann.
Mér fannst ég halda á litlu stúlkubarni
og var að dást að því. Hún var lítil dúkka,
höfiið og líkami vel skapað, með dökkt hár
og dökka augnaumgjörð. Hún minnti mig
á dóttur mína þegar hún var ungbarn og
mér fannst hún vera mitt barn þótt aðeins
eigi ég tvö í raunveruleikanum. Mér fannst
ég einnig vera gift kona, en nú er ég ffá-
skilin.
Þar sem ég er að dást að barninu koma
til mín vinir mínir. Ég hef ekki séð né
heyrt ffá þessum hjónum í nokkur ár, eða
síðan ég skildi. Fannst mér að ég vissi að
þau væru líka búin að eignast dóttur þótt
þau væru ekki með börnin með sér. Að því
er ég best veit eiga þau aðeins tvo syni í
raunveruleikanum.
Þau fóru að tala um hvað veðrið væri
gott en ég benti þeim í austurátt og sagði
þeim að mér sýndist vera að þykkna upp.
Við þessi orð mín dró skyndilega fyrir sólu
og dökkgrá óveðursský nálguðust á ofsa-
hraða í áttina til okkar. Þegar þau voru al-
veg að nálgast var eins og skrúfað væri ffá
hundrað krönum í einu og úrheili dembd-
ist niður úr skýjunum. Þá vaknaði ég við
vekjaraklukkuna.
Með fyrirffam þökk fýrir ráðninguna og
birtinguna, ein berdreymin.
RÁÐNING
Yfirleitt tengist berdreymi manni sjáif-
um eða manns nánustu. i fáum tilfellum
nær þessi hæfileiki einnig til annarra, jafn-
vel til náttúruhamfara og styrjalda í öðrum
löndum en manns eigin. Ég veit hvorki
hversu berdreymin þú hefur verið né
hvort berdreymi þitt hafi náð tii þér
óskyldra aðila. Þess vegna verð ég að gefa
þér tvær hugsanlegar útskýringar á draumi
þessum.
í fyrsta lagi tengir þú sjálfa þig og vini
þína með því að þið eigið í draumnum lítil
stúlkubörn. Barnið táknar eitthvað ferskt
og nýtt. Þar sem draumurinn hverfur aftur
í tímann og þú þekktir hjónin á meðan þú
varst gift geri ég ráð fyrir að þú sért þarna
að hverfa aftur til þess tíma þegar von og
birta voru í lífi þínu og hjónabandinu. Vin-
ir þínir tákna þá hjónaband þitt. Óveðurs-
skýin og yfirvofandi rigning eru endalok
birtunnar, hlýjunnar og hjónabandsins.
Regnið er í þessu tilfelli skilnaður og tár.
Þú ert að líkindum ekki búin að sætta
þig fyililega við að hjónabandið sé búið og
ekki búin að syrgja og leggja það algjör-
lega að baki. Skilnaðurinn er enn í huga
þér nokkurs konar hamfarir en ekki orð-
inn stökkpallur yfir í nýtt þroskatímabil
fýrir sjálfa þig. Það styttir ekki alveg upp
fyrr en þú ert búin að gera upp skilnaðinn
hið innra með þér.
Hin útskýringin á draumnum gæti verið
sú að eitthvað sé að hjónabandi vinafólks
þíns en sú skýring finnst mér ólíklegri þar
sem þú hefur misst allt samband við það.
Sé þessi útskýring rétt ættir þú að hafa
frétt af þeim skömmu eftir drauminn og
þar af leiðandi var hann forspár. Ef þú hef-
ur ekkert af þeim frétt síðan er fýrri
ráðningin líklega réttari.
Hrúturinn
21. mars - 19. apríl
Óvæntur fundur við
gamla kunningja hvetur þig til að
byrja á nýju tómstundagamni.
Gættu vel að orðum þínum í
návist eldri persónu, sem þykir
vænt um þig. Heillatala er 4.
Nautið
20. apríl - 20. maí
Ráðagerð, sem þú hafðir
varðandi ferðalag, virðist vera að
fara út um þúfur. Að öllum lík-
indum er það persóna, sem þú
treystir mikið á, sem bregst þér
varðandi þessar fyrirætlanir.
Tvíburarnir
21. maí - 21. júní
Stjörnurnar eru í flókinni
stöðu um þessar mundir og þú
ættir að halda þig sem mest við
vanabundin störf þín og ana ekki
út í framkvæmdir sem þú veist
lítið sem ekkert um.
Krabbinn
22. júní - 22. júlí
Einhver veldur þér von-
brigðum með því að standa ekki
við loforð sitt um að hafa sam-
band við þig. Þú ættir ekki að
breyta lífi þínu um of.
Ljónið
23. júlí - 22. ágúst
Nýtt skyldustarf reynist
skemmtilegra en þú hafðir reikn-
að með og bú nýtur lífsins í rík-
ara mæli. Ovæntar fréttir valda
nokkru uppþoti og þú þarft að
hugsa þig vel um til að vera vel
undirbúinn.
Meyjan
23. ágúst - 22. sept.
Þú gætir lent í erfiðleik-
um með að standa við loforð sem
þú gefur vini þínum. Hugsaðu
þig um tvisvar áður en þú ráðger-
ir framkvæmdir á tvísýnu mál-
efni. Heillatala er fjórir.
Vogin
23. sept. - 23. okt.
Samkvæmi sem þér verð-
ur boðið í gæti falið meira í sér
en í fyrstu virðist. Þú kynnist ein-
hverjum af gagnstæða kyninu,
sem kemur þér illa fyrir sjónir í
fyrstu, en ekki er allt sem sýnist.
Sporðdrekinn
24. okt. - 21. nóv.
Til þess að ná þvi besta
út úr hlutunum verðurðu að hafa
hemil á skapsmunum þínum og
halda skynseminni. Deilur verða
heima fyrir og þú verður sem á
milli tveggja elda.
Bogmaðurinn
22. nóv. - 21. des.
Hamingjublær er yfir lífi
þínu þessa dagana og allt leikur í
höndunum á þér. Þú færð
óvænta gesti, sem breyta lífi
þínu til betri vegar með komu
sinni. Góð vika til alls kyns við-
skipta.
VSteingeitin
22. des. - 19. janúar
ieitaðu álits annarra við-
víkjandi máli, sem þarfnast ná-
innar athugunar, áður en hægt
er að taka ákvörðun. Þú færð
svar við bréfi, sem þú sendir, og
veldur það þér vonbrigðum.
Vatnsberinn
20. janúar - 18. febrúar
Stattu á rétti þínum og
varastu að gefa eftir, því hætt er
við að tilfinningarnar spili of mik-
ið inn í. Þú ferð í heimsókn til
gamals vinar. Heillatala er fimm.
Fiskarnir
19. febrúar - 20. mars
Aukaverkefni skjóta upp,
kollinum síðari hluta vikunnar og
þú hefur meira en nóg að starfa.
Gleymdu þó ekki fjölskyldunni al-
veg og reyndu að dvelja eins mik-
ið heima við og þér er unnt.
5TJÖRMU5PÁ
21.TBL. 1989 VIKAN 49