Vikan - 23.07.1992, Síða 67

sem er fullt af fólki og...
- Jæja, þú vilt greinilega aö
fólkið fái eitthvað til að slúðra
um, æpti mamma. - Nei, takk.
Hann hlýtur að geta verið án
hennar einn dag!
- Það er ekki hann sem vill,
heldur íris...
- Ég skulda þessari kven-
snift ekki neitt. Þú getur skilað
því til pabba þíns. Annaðhvort
kemur hann einn í kirkjuna
eða hann getur bara sleppt því
að koma.
Þegar við byrjuðum að tala
um þetta voru nokkrir mánuðir
til fermingarinnar svo ég tók
þessu bara rólega. Ég hugsaði
mikið um hvort mamma myndi
senda honum boðskort eða
hringja til hans f vinnuna.
Heim til hans myndi hún aldrei
hringja þvi hún mundi ekki
vilja eiga á hættu að Iris svar-
aði. Ég hlakkaði mikið til ferm-
ingarinnar. Þessi hátíðisdagur
markaði tímamót í lífi mínu.
Ég var að verða fullorðin og ég
hlakkaði að sjálfsögðu líka til
að fá gjafir. Mamma vissi hvað
mig langaði mest í og pabbi
líka.
Aðaláhugamál mitt er aö
fara á skíði og mig langar í ný
skíði og skíðagalla því það
sem ég á er orðið of lítið.
Pabbi hafði hálfpartinn lofað
að gefa mér þetta en mamma
vildi gefa mér eitthvað ódýrara
því hún gæti ekki haldið veisl-
una og gefið mér dýra gjöf
líka. Móðuramma mín er dug-
leg að sauma og hún ætlaði
að sauma á mig fermingarkjól-
inn. Hann er hvítur og eitt
kvöldið, þegar ég var að máta
hann, hló mamma og sagöi að
ég liti út eins og brúður. Síðan
táraðist hún og sagði að pabbi
ætti ekki skilið að eiga svona
fallega dóttur. í sama bili
hringdi síminn og mamma fór
til aö svara. Tíu mínútum
seinna kom hún aftur, föl og
utan við sig.
- Þetta var pabbi þinn,
sagði hún. - Hann vildi vita
hvort þig langaði í eitthvað
annað en nýtt skíðadót. Hann
hefur nefnilega ekki efni á aö
kaupa það handa þér. Hann
lánaði syni kvensniftarinnar
fyrir útborgun í mótorhjóli.
Ég sagði honum bara að
gleyma fermingunni ef hann
gæti ekki gefið dóttur sinni al-
mennilega fermingargjöf, í
staðinn fycir að fóðra annarra
manna börn með peningum -
þá gæti hann bara sleppt
þessu alveg.
- Mamma, sagði ég með
tárin í augunum, þú getur ekki
hafa sagt þetta. Hann er pabbi
minn og þó hann gefi mér ekki
neitt vil ég samt hafa hann hjá
mér þegar ég fermist.
- Þú vilt það, já, því þú ert
svo ung og vitlaus og lætur
hann plata þig með tómu kjaft-
æði, sagði mamma og var ekki
að skafa af því. - Hann getur
snúið þér eins og hann vill en
ekki mér. Ég læt ekki bjóða
mér hvað sem er. Ég hef feng-
ið nóg af lygunum hans. Jæja,
ertu ánægð með kjólinn.
Nú brosti hún eins og ekkert
væri og þá fann ég að ég hat-
aði hana. - Mér er alveg sama
um kjólinn núna, öskraði ég og
reyndi að rífa mig úr honum.
- Úr því að pabbi fær ekki að
koma er mér sama um allt
annað. Ég fæ víst engu að
ráða í sambandi við ferming-
una mína. Ég hélt að það væri
minn dagur en ekki þinn.
Amma horfði á mömmu,
augu hennar lýstu sorg og hún
hristi höfuðið. Ég vissi aö hún
stóð meö mér. En mamma gaf
sig ekki. Hún vildi hefna sín á
pabba, úr því hann lánaði syni
írisar peninga í staðinn fyrir að
eyða þeim í mig. Einkadóttur
hans.
- En þetta bitnar mest á
dóttur þinni, heyrði ég ömmu
segja við mömmu inni í eld-
húsi.
- Ha, bitnar hvað á henni?
hnussaði í mömmu. - Mér
verður illt þegar ég sé hvað
henni þykir vænt um kallinn.
Hver hefur fórnað mestu fyrir
hana? Hver hefur borið ábyrgð
á uppeldi hennar, vakað yfir
henni þegar hún var lítil með
kvef, hálsbólgu, eyrnabólgu
og barnasjúkdómana? En
hver var aldrei til staðar, alltaf
úti að skemmta sér og hitta
aðrar konur? Fæ ég þakklæti
að launum? Ég hef bara lifað
fyrir hana þessi erfiðu ár eftir
að hann sveik okkur en nú er
það hann sem hún vill helst
hafa. Þetta er vanþakklæti.
Heimurinn er að verða vitlaus.
- Nei, það er hann ekki en
þú ert einmana, bitur og af-
brýðisöm, heyrði ég ömmu
segja. - Þú þarft ekki að fórna
þér fyrir Maríu eins og þú kall-
ar það. Hún verður bráðum
fullorðin og sjálfstæð. Þú átt
að hugsa um þig og þitt líf.
Fara út og hitta fólk. Þú ert
búin að vera inni síðustu þrjú
árin og gráta þér til óbóta. Og
nú er komið nóg af svo góðu,
annars eyðileggur þú sjálfa þig
með innibyrgðu hatri og dóttir
þín fer ekki varhluta af því
heldur. Þú eyðileggur hana á
þessu. Hugsaðu um það.
Amma var hörð við mömmu,
hún var reið og þær rifust enn
þegar amma fór. Mamma lést
ekki sjá mig.
- Ó, mamma, gerðu það,
leyfðu pabba að koma, bað
ég-
- Fyrr dett ég niður dauð,
svaraði hún og ég sá að hún
hafði grátið. - Ég sagði honum
líka að láta ekki sjá sig í kirkj-
unni heldur. Hann getur haft
Dað gott heima við að ausa
peningum í annað barn og
gleymt sínu eigin.
Þetta var leiðinlegur ferm-
ingardagur. Mamma var í
vondu skapi, sömuleiðis
amma og ekki einu sinni kon-
íakið, sem afi kom með, gat
bætt stemmninguna í veisl-
unni.
Sjálf fór ég inn í herbergið
mitt til að fá að gráta í friði. Ég
gekk framhjá borðinu þar sem
gjafirnar voru. Mig langaði ekki
lengur í þær. Ég hefði viljað
skipta á þeim fyrir að fá aö
hafa pabba hjá mér. Ég
hringdi í pabba og þegar ég
heyröi röddina hans fór ég að
gráta. - Mamma er vond að
leyfa þér ekki að koma, snökti
ég. - Hún er vond, vond ...
- Svona, svona, sagði
hann. - Næst þegar þú heldur
veislu verður þú líklega komin
í eigin íbúð og þá ræður þú
hverjir koma. Ekkert varir að
eilífu, hvorki góðir hlutir né
slæmir... þetta lagast allt
saman.
- Mamma er egóisti, snökti
ég. - Hún hugsar bara um sín-
ar eigin tilfinningar.
- Það gerum við víst öll
þegar við erum særð, María
mín, sagði pabbi. - Getum við
ekki hist á morgun niðri í bæ?
Ég hef svolítið handa þér þrátt
fyrir allt.
Pabbi gaf mér tuttugu þús-
und króna ávísun daginn eftir.
Þaö ætti að duga fyrir því sem
mig langar í ef ég bæti við hin-
um peningunum sem ég fékk.
En það sem mig langaði mest
- að pabbi yrði hjá mér á ferm-
ingardaginn minn - var mér
neitað um. Eftir margra ára
hatur á pabba lét mamma það
bitna á mér.
Það er erfitt og sárt að skiln-
aði skuli fylgja slíkt hatur og
hefnigirni. Ég held það sé best
að sleppa því að gifta sig. Þá
sleppur maður við þá kvöl sem
skilnaður er og að börnin verði
að hætta að láta sér þykja
vænt um það foreldranna sem
þau búa ekki lengur hjá-til að
særa ekki hinn aðilann. Það er
ekki hægt að ætlast til þess af
okkur!!!
Sönn frásögn, þýdd úr norsku
af Líneyju Laxdal
■ Fuglahandbók Þorsteins
Einarssonar, sem Örn og Ör-
lygur gáfu út árið 1987, hefur
nú verið gefin út á ensku undir
nafninu Guide to the birds of
lceland.
■ Hljómsveitin Ný dönsk, ný-
bakaður meistari í Rock Cup -
knatlspyrnukeppni íslenskra
rokkhljómsveita - er að undir-
búa nýja plötu sem kemur út
fyrir jólin í ár. Það hefur komið
til tals að vinna plötuna erlend-
is og fá erlendan upptöku-
stjóra til að hafa yfirumsjón
með verkinu en hingað til hafa
hljómsveitarmeðlimir séð um
þá hlið mála sjálfir. Ekki hefur
verið ákveðið hver taki verkið
að sér en fregnir herma að
það gæti orðið þekkt nafn í
poppheiminum.
■ Flestir frægustu popparar
landsins komu fram í Laugar-
dalshöll 16. júní síðastliðinn
og skemmtu viðstöddum. Tón-
leikarnir (Bíórokk) voru teknir
upp á filmu og verður hluti
þeirra notaður í kvikmynd sem
er verið að vinna að um þess-
ar mundir. Tónlistin í kvik-
myndinni kemur út á geisla-
diski seinna á árinu undir nafn-
inu Stuttur frakki. Diskurinn
mun innihalda lög úr Bíórokk-
inu ásamt frumsömdum lögum
úr kvikmyndinni.
HAFNARSTRÆTl 1S
RFiXJAVÍK ■ SÍMI 13340
15. TBL. 1992 VIKAN 67