Vikan - 20.06.1995, Síða 34

LIFSREYNSLA
Einar Valur Kristjánsson, yfirkennari Grunnskólans á ísa-
firði, stendur nú á ákveðnum tímamótum í lífi sínu. Síð-
astliðið haust greindist hann með krabbamein og þarf
nú að hætta störfum eftir 37 ára starf. Hann stendur einnig á
annars konar tímamótum. Einar Valur er nýkominn heim frá
Bandaríkjunum þar sem hann hitti móður sína, móðurina
sem hann hafði aldrei séð nema á einni mynd sem hún
sendi honum eigi alls fyrir löngu. Einar Valur er á 61. aldurs-
ári en móðir hans, Kristjana Kristjánsdóttir Pedersen, verður
áttræö í haust. Þegar Einar Valur var á öðru aldursári var
hann gefinn. Stuttu síðar flutti móðir hans til Reykjavíkur og
síðan til Bandaríkjanna þar sem hún giftist og hefur búið síð-
an. Henni og bandarískum eiginmanni hennar varð ekki
barna auðið og er Einar Valur því eina barnið sem Kristjana
hefur fætt í þennan heim. „Það er kannski þess vegna sem
mér fannst ennþá fremur skylda mín að fara að heimsækja
hana, en mest um vert fyrir mig var að leita uppruna míns og
hann fann ég í Omaha í Nebraska í Bandaríkjunum."
34 VIKAN 6. TBL. 1995