Vikan - 20.01.1996, Blaðsíða 47

daga. Þér tekst vel upp á öllum sviðum og þá sérstaklega við þína
uppáhaldsiðju; samskipti og leiðbeiningu. í þessum mánuði eru þér
flestir vegir færir en varaðu þig á að dreifa kröftum þínum um of. Ef
þú einbeitir þér að hverju verkefni í senn muntu nýta möguleikana
betur. Þú ert á leið inn í tímabil umskipta og jafnvel umbyltinga.
Gamlir fordómar munu víkja fyrir nýrri lífssýn. Þú munt byrja á ferli
sem breytir þínum innra manni en þarf ekki endilega að hafa áhrif
á ytra umhverfi þitt.
Október: Þú ert á grænni grein og sumar meyjur eru nánast í sjö-
unda himni. Lánið leikur við þig í ástamálum. Þú stendur frammi
fyrir mörgum freistandi tilboðum. Ný tengsl koma án fyrirhafnar og
þú þarft litlu við að bæta. Venjulega eru fjármálin í jafnvægi en nú
bregður svo við að þú átt möguleika á aukinni þénustu. Þú þarft
jafnvel að fara óvenjulegar leiðir til að styrkja fjárhagsstöðu þfna.
Haþpafengur er góður möguleiki. Þú átt að hafa það á hreinu að
hin mörgu tækifæri eru til þess að nota.
Nóvember: Þú stendur á krossgötum fljótlega, og það á mörgum
sviðum Iffs þíns. Þú hefur tilhneigingu til að draga þig í hlé en ef þú
vogar þér út fyrir þín venjubundnu mörk áttu möguleika á að kynn-
ast hlutum sem þig hafði varla dreymt um. Þú ert frekar iðinn og
opinn í samskiptum um þessar mundir og það hefur góð áhrif á
vinnu og einkalíf. Nú hefurðu þrek til að leysa mál sem lengi hafa
legið á þér en þú hefur ekki haft krafta til að byrja á. Ef þér finnst
samband þitt vera í lægð skaltu gera þitt til að bæta það í lok mán-
aðarins. Ef þú er meyja á lausu er upþlagt að kasta af sér hamnum
og losa sig við feimni.
Desember: Þú endurmetur stöðu þína í vinnunni oft í þessum
mánuði. Af og til finnst þér þú vera í öldudal og vanta stuðning frá
yfirmanni og vinnufélögum. En þú átt að hugsa um sjálfan þig og
þú veist að það er ekki fokið í flest skjól. í byrjun mánaðar getur
komið upp sú staða að þú verðir að taka ákvörðun um framtíð
þína. Þrátt fyrir að vinnan gangi illa ertu í ágætu formi og þú vilt
gjarnan halda jól fyrir alla. Gefðu samt öðrum tækifæri á að bjóða
þér heim. Nýársheiti þitt ætti að vera: Ég er hvorki betri né verri en
ég er.
VIKAN 45