Vikan - 10.05.1999, Page 40
Skötuselur á teini með
karrihrísgrjónum
500 g skötuselur (eða smálúða)
kúrbítur
rauðlaukur
Marínering:
3 msk. appelsínusafi
safi úr 1 sítrónu
1 pressað hvítlauksrif
2 msk. ólífuolía
smá tabascosósa
Aöferð: Fiskurinn er skorinn í smáa
bita og látinn marínerast yfir nótt. Síið
maríneringuna frá fiskinum og þræðið
hann á pinna ásamt rauðlauk og kúr-
bítssneiðum. Grillið í örfáar mínútur,
eða þar til fiskurinn er steiktur.
Karríhrísgrjón:
1 lítili blaðlaukur
2 bollar hrísgrjón
smá salt
1 msk. karrí
olía til steikingar
Aðferð: Sjóðið hrísgrjónin eftir leið-
beiningum á umbúðum. Hitið olíuna á
pönnu. Bætið karríinu saman við í olí-
una og látið krauma aðeins. Svo er
fínt skornum blaðlauknum bætt út í.
Steikið aðeins. Þá er soðnum og vel
sigtuðum hrísgrjónunum bætt saman
við. Hristið aðeins til á pönnunni.
Gott er að bera fram með þessu létta,
kalda sósu, t.d. sýrðan rjóma bragð-
bættan með dilli.
Kjúklingavængir með bragð-
mikilli grænmetissósu
1 kg kjúklingavœngir
Marínering:
2 msk. fíntsöxuð sítrónumelissa
8 pressuð hvítlauksrif
6 msk. ólífuolía
smá salt
pipar úr kvörn
2 msk fíntsaxað kóríander
1 tsk. chílepipar, þurrkaður
1 tsk. gurkemejer
1/2 tsk. sykur
1 agúrka
Aðferð: Leggið kjúklingavængina í
maríneringuna yfir nótt. Síið maríner-
inguna frá vængjunum og grillið þá þar
til þeir eru gegnumsteiktir.
Sósa:
2 laukar
3 gulrœtur
1 grœn paprika
1 rauð paprika
1 gul paprika
1 chílepipar
1/2 tsk. sykur
1/2 dós tómatsósa (Hunt's)
Aðferð: Allt grænmetið er saxað niður
í smátt. Laukurinn er steiktur sér í
smá olíu í 5 - 7 mínútur. Síðan er öllu
blandað saman og látið krauma vel.
Þessa sósu má bera fram heita jafnt
sem kalda. Vængjunum er raðað á
disk ásamt agúrkusneiðum og sósan
sett í miðjuna. Einnig eru karríhrís-
grjónin tilvalin með þessum rétti.
40 Vikíin