Vikan - 02.05.2000, Síða 34

1-2 kjúklingabringur á mann
200 g tagliatelle pastastrimlar
150 g sveppir
1 msk.hvítlauksolía
3 dl rjómi
3-4 hvítlauksgeirar
örlítið smjör eða ólífuolía
Maizena sósujafnari
Aromat, blandaður grófmalaður
pipar, sjávarsalt og kjötkraftur.
Aðferð:
Pastað:
Sjóðið pastastrimla samkvæmt leið-
beiningum á umbúðum (einnig má sjá
suðuaðferðir í eldri tölublöðum af Vik-
unni).
Sósail:
Steikið sveppina á pönnu (smjör eða
ólífuolía). Bætið fínsöxuðum hvítlauks-
geirunum út á pönnuna og hellið rjóma
saman við. Þykkið örlítið með sósujafn-
ara þegar rjóminn sýður (nauðsynlegt er
að fylgjast vel með rjómanum því hann
á það til að vera snöggur að sjóða upp
úr). Gott er að hafa svolitla mjólk við
höndina þannig að hægt sé að kæla
rjómann örlítið svo síður sjóði upp úr.
Þykkið sósuna hæfilega og kryddið eft-
ir smekk.
Kjúklingabríngurnar:
Pönnusteikið bringurnar í u.þ.b. 2-4
mínútur hvorum megin, kryddið örlítið
með sjávarsalti og grófmöluðum pipar.
Setjið bringurnar í 200 gráðu heitan ofn
u.þ.b. 5-10 mínútum fyrir framreiðslu.
Eldunartími fer eftir stærð bringnanna.
Athugið að ævinlega skal gæta fyllsta
hreinlætis við meðferð hrás kjúklinga-
kjöts. Þrífa þarf bretti, áhöld og hendur
upp úr heitu vatni og sápu áður en þið
snúið ykkur að öðru í matargerðinni.
Samsetning réttar:
Bætið hæfilega miklu af pastastriml-
um út í heita sósuna (fer eftir smekk
hvers og eins). Hitið. Þegar pastastriml-
arnir og sósan er orðið vel heitt eru
bringurnar teknar út úr ofninum. Pasta-
strimlum og sósu er komið fyrir á diski
eða fati (diskurinn eða fatið á að vera
heitt, til að tryggja hámarksárangur).
Ofan á það eru kjúklingabringurnar
settar. Skreytt eftir smekk. Meðlæti gæti
t.d. verið ferskt salat og hvítlauksbrauð.
Þetta er algert „nammi“.
34
Vikan