Menntamál - 01.01.1945, Qupperneq 13
MENNTAMÁL
9
dvöl á málleysingjaskólanum í Kaupmannahöfn 8. janúar
1831, og sýnist veran þar hafi komið honum að drjúgu
gagni.
Nú kemur sá maður til sögunnar, er með réttu má kall-
ast brautryðjandi málleysingjakennslunnar hér á landi.
Hann hét Páll og var sonur Páls prófasts í Hörgs-
dal í Vestur-Skaftafellssýslu, Pálssonar, og Guðríðar
Jónsdóttur hreppstjóra og
bónda á Kirkjubæjar-
klaustri, Magnússonar. —
Páll fæddist í Hörgsdal 4.
október 1836. Fjórtán ára
gamall fór hann í latínu-
skólann í Reykjavík, en
veturinn eftir veiktist
hann og lá lengi mállaus.
Segir dr. Jón þjóðskjala-
vörður Þorkelsson, en hann
hafði numið hjá Páli undir
skóla, að hann „sagðist
vita, hvað það væri að vera
mállaus, og rann mjög til
rifja, að allur þorri mál-
leysingja á Islandi fékk
ekki svo mikið sem að læra
kristindóminn“. Árið 1866, er hann var nýorðinn prestur
að Kálfafelli í Fljótshverfi, sótti hann um styrk til þess
að kynna sér málleysingjakennslu í Danmörku. Pétur
biskup Pétursson, sem tekið hafði biskupsdóm á þessu
sama ári, flutti mál hans við stjórnina, og var Páli 11.
febrúar 1867 veitt leyfi til að dvelja 3 mánuði í mál-
leysingjaskólanum í Kaupmannahöfn á skólans kostnað
og kynnast kennsluaðferðinni. Auk þess fékk hann 300
rikisdala styrk og linun í fargjaldi (25 ríkisdali í stað
45 ríkisdala).
S:'ra Ólafur Helgasoti