Menntamál - 01.01.1945, Síða 18

14
MENNTAMÁL
Biblíusögur handa mál- og heyrnarlausum unglingum á
íslandi. Kaupmannahöfn 1867. — Biblíusögurnar eru á
ákaflega léttu máli, og auk þess skýringar á vandasöm-
ustu orðunum fyrir aftan hvern kafla.
Kristin fræöi Lúthers, með stuttum útskýringum handa
mál- og heyrnarlausum unglingum á íslandi. Kaupmanna-
höfn 1867. — Báðar þessar bækur voru prentaðar „að
tilhlutun kirkju- og kennslustjórnarinnar“.
Orðasafn til undirbúningskennslu handa mál- og heyrn-
arleysingjum. Kaupmannahöfn 1867. Autographerað hjá
V. Hansen. — Þessi bók er öll með skrifletri, 48 bls. að
stærð.
Eftir lát séra Páls fell málleysingjakennsla niður í bili.
En á alþingi 1891 bar Magnús landshöfðingi Stephensen
fram tillögu um, að landssjóður legði fram 1000 kr. til
þess að styrkja mann til að læra málleysingjakennslu. Var
það samþykkt í einu hljóði, og fór séra Ólafur Helgason
í Gaulverjabæ samsumars til Danmerkur í því skyni. Séra
Ólafur var ungur maður, fæddur 25. ágúst 1867, sonur
Helga lektors Hálfdanarsonar og Þórhildar Tómasdóttur
prófasts á Breiðabólsstað, Sæmundssonar.
Ólafur var um veturinn í Danmörku og stundaði nám
sitt með eldmóði ungs manns. Forstöðu málleysingjaskól-
ans í Kaupmannahöfn hafði þá séra Frederik Heiberg,
frændi leikritaskáldsins, ágætur maður, er bæði þá og
síðar greiddi fyrir málleysingjakennslunni á Islandi eftir
mætti.
Skóli séra Ólafs hófst 1. október 1892. Hann var fyrst
í Gaulverjabæ, en síðan að Stóra-Hrauni, eftir að séra
Ólafur fluttist þangað 1893. í skólanum voru 9—12 börn,
enda var þar ekki rúm fyrir fleiri. Námstíminn var 6 ár.
Það kom skjótt í ljós, að einum manni var með öllu
ofvaxið að kenna svo mörgum málleysingjum og sinna
jafnframt prestsembætti. Fékk því séra Ólafur styrk úr
landssjóði til þess að halda kennslukonu, 150 kr. á ári,