Menntamál - 01.01.1945, Síða 31

MENNTAMÁL
27
Eitt þeirra heillaskeyta var frá séra Jakob Kristinssyni, fyrrverandi
fræðslumálastjóra, svo hljóðandi:
Heill þér, Snorri, í snerru
inn snari, hvergi spara
muntu þig við menntir.
mætar, sextugum fæti
þótt stigir á grund, ei geiga
gómaörvar, njót sóma,
skelfir lakra skóla,
skörungur kennslutungna.
Kennarafundur í Borgarnesi.
Bjarni M. Jónsson námsstjóri kallaði saman kennarafund í Borgar-
nesi dagana 17.—19. nóvember s.l. fyrir kennara á svæðinu frá Ond-
verðarnesi að Skarðsheiði. Menntamál liafa spurzt frétta um fund
þennan hjá námsstjóranum, og lét hann hið bezta yfir honum. Fund-
urinn var ágætlega sóttur. Lengst átti ritari fundarins, kennarinn í
Breiðuvík, 140 km. leið. Þó var fundarsóknin erliðari lijá öðrum
kennara, sem gekk 25 km. leið á fundarstaðinn. Sýnir þetta ljóslega
áhuga hinna afskekktari kennara iyrir kennarafundum og starfi sínu.
Dagskrá fundarins var næstum hin sama og á fundinum, sem skýrt
var frá í viðtali við Bjarna M. Jónsson í Menntamálum í fyrra, að
því viðbættu, að samkvæmt tilmælum námsstjórans buðu kennararnir
í Borgarnesi fundarmönnum að hlusta á kennslu í reikningi og móður-
niáli í barnaskóla Borgarness. Hervald Björnsson skólastjóri kenndi
reikning, en Björgvin Jörgensson málfræði, og skýrðu þeir síðan í
ræðu frá starfsaðferðum sínum við kennslu þessara greina. Var síðan
rætt um kennslu þeirra og kennslu í jjessum greinum almennt, enn-
fremur um framkomu skólabarnanna, eins og hún kom fundarmönn-
um fyrir sjónir, og skólasiði almcnnt. Þótti fundarmönnum þessi dag-
skrárliður liinn ágætasti.
Nýir skólar i Gullbringusýslu.
í desember s.l. var vígt nýtt barnaskólahús í Gerðahreppi. Húsið
er hið glæsilegasta. í því eru þrjár almennar kennslustofur og handa-
vinnustofa. Rúmgóður iþróttasalur er þar ásamt baði og gufubaði.
Enn lremur er íbúð í húsinu. Eftir er að laga lóð skólans og girða.
— I fyrra skýrðu Menntamál frá vigslu skólans í Njarðvíkum, og
næsta ár verður væntanlega barnaskóli vígður á Vatnsleysuströnd,
því að hann er nú langt kominn. Og fleiri skólar eru í undirbúningi.