Menntamál - 01.08.1961, Blaðsíða 84

162
MENNTAMÁL
unin í Bandaríkjunum í þá átt að hefja kennaraskólana,
kennaramenntunina, á hærra stig hefur orðið á þessa leið
síðastliðinn aldarfjórðung:1)
Árið 1937 kröfðust aðeins sex fylki háskólagráðu af
barnakennurum, 1940 voru þau orðin níu, 1946 voru þau
fjórtán og 1957 voru þau 37. Sérstaklega er á það bent, að
sextán fylki stigu þetta skref á árunum 1951—57, en á
þeim árum var kennaraskorturinn ískyggilegastur í Banda-
ríkjunum.
Þýzkaland.
í Þýzkalandi er þróunin áþekk að því leyti, að stúdents-
próf er almennt inntökuskilyrði í kennaraskóla, sem nú
mun eðlilegast að kalla kennaraháskóla. Af því leiðir með-
al annars, að kröfum um almennt nám er allvel fullnægt,
áður en sérnám er hafið, og því er kostur að einbeita sér
annars vegar að uppeldisgreinum og hins vegar að einni
eða fáum almennum greinum, en um gildi þessa atriðis
mun ég ræða sérstaklega síðar.
Um kennaramenntun í Þýzkalandi vitna ég í Th. Wil-
helm, prófessor við kennaraháskólann í Flensborg og prí-
vatdósent við háskólann í Kiel.2)
Fróðir menn eru á einu máli um það, að ekki verði ráðin bót
á kennaraskortinum með því að taka að nýju upp kennaraskóla-
menntun. (Seminar Ausbildung). Sá miðar við úreltar forsendur, sem
gerir ráð fyrir því, að aukin verði aðsókn að námi barnakennara
með því að fella niður kröfuna um stúdentspróf þeirra. Bændur og
iðnaðarmenn, er fyrrum lögðu til mikinn liluta þeirra, er stund-
uðu kennaranám, þarfnast ekki lengur þessarar krókaleiðar til þess
1) A Manual on Certification requirements for school personnel
in the United States. 1957 Edition. National Commission on Teaher
Education and professional Standards, National Education Associa-
tion of the United States, bls. 2—3. — Handbók þessi kemur út
annað livert ár.
2) Theodor Wilhelm: Pádagogik der Gegenwart, Kröner Ver-
lag, 1960. Sjá einkum bls. 451 og áfram.