Menntamál - 01.08.1961, Blaðsíða 101
MENNTAMÁL
179
á. Ég tek hér örfá dæmi til að gera ljóst, hvers við þykir
þurfa meðal frændþjóða og granna.
f Svíþjóð telst mér til, að ætlað sé sem nemur 100 dög-
um til verklega námsins, ef með er talið kennslufræði al-
menn og kennslufræði einstakra námsgreina, en þeir meta
eina vikustund vetrarlangt til jafns við 6 daga. f fjögurra
ára kennaraskólum í Svíþjóð skal í 2. bekk verja 12 dög-
um til að heimsækja skóla og hlusta á kennslu, í þriðja
bekk 18 dögum í heimsóknir í skóla og æfingakennslu og
í fjórða bekk 54 dögum. í þriðja bekk skal hver nemandi
kenna þrjátíu kennslustundir, og í fjórða bekk 66.1)
í Danmörku er svo fyrirmælt í lögunum frá 1954, að
kennaraefni skuli njóta hið minnsta þriggja mánaða æf-
ingakennslu samtals.2) Þá skulu kennaraefni njóta styrks
þennan verklega æfingatíma.
í Englandi eru kröfurnar áþekkar.
f McNair-álitinu er m. a. bent á eftirfarandi:
Hvergi er varið skemmri tíma en tólf vikum til verklegs kennara-
nánis. En það felur í sér íullgilda kennslu um langan tíma, að skólar
eru Iieimsóttir, athuganir gerðar og fylgzt með sýnikennslu.
Við teljum, að framvegis eigi verklegt kennaranám að vera
með tvennum liætti, og skal þess krafizt af öllum kennaraefnum, er
eiga kost á að stunda það. Fyrra afbrigðið mætti kalla hagnýta þjálf-
un í skólunt og hið síðara samfellda æfingakennslu.
í fyrsta lagi á verklega kennaranámið að veita hlutstæða, ótvíræða
reynslu, dæmi og skýringar og auka við og leggja áherzlu á hina
fræðilegu hlið kennaranámsins. Skólarnir eru verkstæði kennaranem-
anna og vettvangur lifandi reynslu. Verklegt kennaranám af þessu
tagi á að fela í sér svo sem nú er hlutfallslega dreifða kennslu og
athuganir í skólum og heimsóknir i uppeldisstofnanir og minni
háttar rannsóknir. Þessi tegund kennaranáms krefst fjölbreyttrar,
auðveldrar innkomu í ýmsa skóla og sveigjanlegs skipulags og skyldi
vera órofaþáttur náms í uppeldisfræði.
í öðru lagi á verklega kennaranámið að veita kennaraefninu að-
stöðu til þess að fullreyna, livað það er að vera kennari. Það er
1) Sem. Org. II, bls. 173—174.
2) Lov nr. 220 af 11. júní 1954 om uddannelse af lærer til folke-
skolen, paragraf 23, 1. málsgr.