Menntamál - 01.12.1967, Síða 36

224
MENNTAMÁL
störf. Sérstakur kafli er um stúlkurnar og sérstöðu þeirra til
starfsvals. Að lokum eru leiðbeiningar um, hvernig huga
skuli að starfi og hvers beri að gæta, þegar um starf er sótt.
Eins og sjá má af efnisupptalningu bókarinnar er þar víða
komið við og á nrörgu gripið, er þó bókin öll ekki nema 95
bls., þar með talinn formáli og efnisyfirlit, auk 10 skýr-
ingarmynda, sem margar ná yfir heila síðu.
Auðsætt er, að víða hefur orðið að stikla á stóru í ekki
lengra máli.
Upplýsingar um hin ýmsu ólíku störf verða að sjálfsögðu
útundan, og kemur bókin því ekki að fullu liði, nema kenn-
arar og nemendur eigi aðgang að spjaldskrá (kartoteki) með
upplýsingum um hin margvíslegu störf, sem til greina koma.
Meðan slík spjaldskrá er ekki til, má hafa mikil not af
bók Ólafs Gunnarssonar um starfsval, síðustu útgáfu frá
1965.
í bók Ólafs eru allgreinargóðar upplýsingar um flest þau
störf, sem í boði eru hér á landi, bæði hvað snertir nauð-
synlegt undirbúningsnám og kröfur, sem viðkomandi starf
gerir til þess, sem við það vinnur.
Engu að síður hefur þó höfundum tekizt að koma fyrir í
stuttu máli ótrúlega miklu efni.
Afleiðingarnar verða þær, að meiri tíma þarf til kennsl-
unnar en í fljótu bragði gæti virzt, miðað við stærð bókar-
innar og aðrar sambærilegar kennslubækur að stærð. Auk
þess að vera samanþjappað er mest af efninu hugtakalegs
eðlis (abstrakt) og því býsna strembið fyrir 14 og 15 ára
unglinga, sem óvanir eru slíkum „hugsanagangi". Efnið
nýtist því ekki, nema það sé matreitt við þeirra hæfi af
kennaranum, eins og bókarhöfundar minnast reyndar á í
formála.
IJessi staðreynd gerir kennsluna svo miklu tímafrekari, að
fráleitt má teljast, að hægt sé að komast af með eina stund á
viku í þessum aldursf lokki. Tvær stundir er lágmark, ef vel
á að vera.