Menntamál - 01.12.1968, Blaðsíða 30

256
MENNTAMÁL
mikla íylgi við breytta kennslutilhögun kemur það fram,
að meira en helmingi nemenda linnst óþægilegt að sitja í
kennslustund kl. 6no—735 e.h.; 28,4% telja þið hins vegar
ekkert óþægilegt.
Við samanburð á svörum pilta og stúlkna kemur í ljós
frekar lítill munur. Þó eru stúlkurnar fleiri, sem aðbyllast
gamla kerfið, t. d. telja 10 stúlkur (19,6%), en aðeins 2
piltar (4,1%), að tíminn nýtist með nýja kerfinu verr en
áður, og 8 stúlkur (15,6%) mundu velja sér gamla kerf-
ið, ef þær ættu kost á því næsta vetur, en aðeins 2 piltar.
Samanburður var jafnframt gerður á svörum sveita- og
kaupstaðaunglinga, og einnig á svörum nemenda eftir því,
hvort þeir höfðu numið við Reykholtsskóla veturinn áður
eða ekki. Ekki verður nánar greint frá niðurstöðum þessa
samanburðar hér, enda kom fram lítill mismunur.
Athugasemdir gera 55 nemendur, ýmist eina eða fleiri
liver. Algengasta athugasemdin á við það, að með nýja
kerfinu sé nokkurn veginn bundinn jalnlangur lestími fyr-
ir allar námsgreinar, en tímaþörfin sé bins vegar misjöfn.
Er langtíðasta atliugasemdin sú, að lestími sé of naumur fyr-
ir erlcnd tungumál. Ýmsar aðrar athugasemdir koma fram,
t. d. kvarta nokkrir nemendur undan of litlum útivistar-
tíma, og fáeinir, einkum stúlkur, undan þreytu á kvöldin.
Aftur geta nokkrir nemendur |ress, að með nýja kerfinu
verði meira um tómstundir á kvöldin, gott sé að koma ný-
lesinn í tíma o. s. frv.
Óhætt er að segja, að aðalniðurstaða könnunarinnar sé
sú, að nemendur telja hina nýju, dreifðu stundaskrá, gxeini-
lega betri en samfelldu stundaskrána, sem áður var.