Bjarmi - 01.07.1985, Blaðsíða 24

raót
03
þing
S
1
Vatnaskógi
Almenna mótið
Almenna mótið í Vatnaskógi var haldið síðustu helgina
í júní sl. Hófst mótið föstudagskvöldið 28. júní og lauk
síðdegis sunnudaginn 30. Dagskrá mótsins var með
svipuðu sniði og undanfarin ár og voru samverustundir
bæði fyrir börn og fullorðna. Yfirskrifir stundanna voru
valdar með það í huga að nú er ár æskunnar og voru þær
flestar sóttar í bréf Páls postula til Tímóteusar, ungs vinar
hans og samverkamanns. Heildaryfirskrift mótsins var
„Treystu Drottni af öllu hjarta“. Það var Sr. Kjartan
Jónsson, kristniboði sem stjórnaði mótinu. Á kristniboðs-
samkomunni á sunnudeginum töluðu kristniboðarnir Ingi-
björg Ingvarsdóttir og Jónas Pórisson, sem hafa verið hér
heima í sumar í stuttu leyfi. Pá ávarpaði Haraldur Ólafsson
einnig samkomuna, en hann hefur yfirumsjón með starfi
Hjálparstofnunar norsku kirkjunnar í Eþíópíu. Á mótinu
gáfust kristniboðinu á annað hundrað þúsund krónur í
samskotum og sölu happdrættismiða. Var mótið vel sótt,
enda hafði það verið vel auglýst, og áttu þátttakendur
góðar stundir í Vatnaskógi að þessu sinni eins og svo oft
áður.
Þing SÍK
29. þing Sambands ísl. kristniboðsfélaga var haldið í
Vatnaskógi í beinu framhaldi af mótinu og stóð dagana
1.-3. júlí. Voru þátttakendur milli 60og70. Á þinginu fóru
fram venjuleg aðalfundarstörf. Formaður SÍK, Gísli
Arnkelsson, flutti skýrslu stjórnar og rakti það helsta í
starfi Sambandsins sl. tvö ár. Fram kom að á undanförnum
árum hafa gjafir til kristniboðsins ekki vaxið í hlutfalli við
aukinn kostnað og því blasi nú við miklir fjárhagsörðug-
leikar. Það kom síðan skýrt fram í reikningum áranna 1983
og 1984 sem Hilmar B. Þórhallsson útskýrði. Fyrra árið
voru gjöld umfram tekjur rúmlega 400 þúsund og það
síðara rúmlega 760 þúsund. Því er fjárhagsstaða SÍK mjög
slæm um þessar mundir og hlýtur það að hvetja alla
kristniboðsvini til að gera átak í að afla kristniboðinu
fjármuna.
Á þinginu voru samþykkt ný lög fyrir Sambandið, enda
voru gömlu lögin að sumu leyti orðin úrelt og þörfnuðust
endurskoðunar.
Umræður voru bæði um starfið ytra og hér heima. Voru
umræðurnar um heimastarfið líflegar. Þær hófust með
inngangserindi Skúla Svavarssonar, sem birt er annars
staðar hér í blaðinu. Var einkum rætt um leiðir til
fjáröflunar og kynningar á kristniboðinu og gerð fræðslu-
efnis fyrir barnastarf, skóla, söfnuði o.fl. Voru samþykktar
tvær tillögur í því efni, önnur varðandi gerð upplýsinga-
og fræðsluefnis, hin um sérstakt kynningar- og fjáröflunar-
átak í tengslum við kristniboðsdaginn í nóvember n.k.
Á lokadc gi þingsins fór fram stjórnarkjör. Úr stjórn áttu
að ganga þau Gísli Arnkelsson, sem verið hcfur formaður
sl. 12 ár, Hilmar B. Þórhallsson, sem veriö hefur gjaldkeri
í 32 ár og Sigríður Sandholt sem átt hefur sæti í stjórninni
í 24 ár. Þau gáfu ekki kost á sér til endurkjörs. Þá átti Jón
Viðar Guðlaugsson einnig að ganga úr stjórn. í stjórn voru
kosin þau Jóhannes Tómasson, Kristín Möller, Sigurjón
Gunnarsson og Stína Gisladóttir. Fengu Stína og Jón
Viðar jafnmörg atkvæði og var hlutkesti látið ráða. Fyrir
í stjórn voru Ingólfur Gissurarson, Páll Friðriksson og
Skúli Svavarsson. Varamenn voru kosnir þeir Jón Viðar
Guðlaugsson, Baldvin Steindórsson og Björgvin Þórðar-
son. Stjórnin hefur nú skipt með sér verkum þannig að
Skúli Svavarsson er formaður, Jóhannes Tómasson vara-
formaður, Sigurjón Gunnarsson gjaldkeri og Ingólfur
Gissurarson ritari. Aðrir eru meðstjórncndur.
Þinginu lauk síðan um hádegi miðvikudaginn 3. júlí með
því að sr. Lárus Halldórsson flutti bæn og blessunarorð og
þátttakendur sungu „Sterk eru andans bönd“.
Hér á eftir fer ávarp þingsins til kristniboðsvina.
24