Bjarmi - 01.05.1998, Blaðsíða 32

Sæludagar svíkja engan
Sæludagar í Vatnaskógi eru áhugaverður möguleiki fyrir þá
sem kjósa að eyða verslunarmannahelginni í fallegu
umhverfi þar sem boðið er upp á fjölbreytta dagskrá.
I ár halda Skógarmenn upp á 75 ára afmæli sumarbúðanna
og verður þetta því nokkurs konar afmælishátíð. Sæludagar
eru vímulaus hátíð fyrir alla aldurshópa þar sem útivist
og skemmtun haldast í hendur við boðskap kirkjunnar.
Skógurinn, vatnið, íþróttaaðstaðan, leiktækin og
húsakynnin mynda ákjósanlegt umhverfi þar sem allir njóta
sín. Skógarmenn KFUM eru gestgjafar, en njóta aðstoðar og
góðrar samvinnu við einstaklinga og hópa innan kirkjunnar.
Verið velkomin á Sæludaga í Vatnaskógi
og bjóðið fjölskyldu og vinum með !
Velkomin í Vatnaskóg um
verslunarmannahelgina!