Heima er bezt - 01.11.1964, Blaðsíða 8

Bessastaðir.
— Bessastaðir eru á rnarga lund afbragðs jörð, og
mikil hlunnindi sem fylgja henni. En bara ekki jörð
fvrir mig. Ég er sauðfjárræktarmaður og á Bessastöð-
um er ekki hægt að reka sauðfjárbúskap svo að nokkru
gagni sé. Ég kunni aldrei við mig þar og hlaut að fara
þaðan fyrr eða síðar á brott. Ég gat ekki búið á jörð,
þar sem ekki var unnt að hafa sauðfjárrækt.
— Og þá fluttirðu norður í heimabyggð þína, Þing-
eyjarsýslu?
— Laxamýri í Suður-Þingeyjarsýslu var um þetta
leyti auglýst til sölu. Ég falaðist eftir henni og fékk hana.
Samantekning á töðu á Laxamýri, áður en stórvirkar vélar
komu til sögunnar. Jón Þorbergsson með dökk gleraugu.
— Sú hefur sennilega kostað skildinginn?
— Já, það má segja að þetta sé annað höfuðbólið til
og varla von að hún yrði seld ódýrt. Þetta er mikil kosta-
og hlunnindajörð eins og Bessastaðir, en hefur þann
kost þó framyfir að á henni er hægt að reka sauðfjárbú
í stórum stíl. Já, þú varst að spyrja um kaupverðið. Það
var nær 100 þúsund krónur. Ég veit satt að segja ekki
hvað það myndu verða margar milljónir eftir núgild-
andi verðlagi.
— Og á Laxamýri hefur þú búið síðan?
— Já, fyrst einn, en seinni árin ásamt sonum mínum
tveimur. Við höfum þriðjungabú. Hver á sínar skepnur
fyrir sig, en að öðru leyti vinnum við saman að búskapn-
um og höfum sameiginleg hús fyrir búpeninginn og eig-
um sameiginlega vinnuvélar. Aftur á móti hefur hver
sína íbúð og býr útaf fyrir sig.
— Hvernig líkar þér slíkur samvinnubúskapur?
— Ég veit ekki hvort þú trúir því, en það er samt
satt, að ég hef aldrei verið jafn ánægður í búskapnum
eins og eftir að þetta fyrirkomulag hófst.
— Þú hefur bætt jörðina mikið eftir að þú tókst við
henni, hef ég heyrt.
— Til þess er maður að bisa í lífinu að eitthvað liggi
eftir mann fyrir komandi kynslóð. Og þér að segja var
300 hesta töðufall á Laxamýri þegar ég tók við jörðinni,
en nú er það 2 þúsund hestar. Hús hafa verið byggð upp
að nýju og véiakostur verið keyptur í samræmi við þarf-
ir búsins.
— Nú hefurðu ekki látið þér nægja búsýsluna eina.
Þú hefur látið félagsmál og ýms hugðarefni á andlega
sviðinu mikið til þín taka.
— Það er allt hjáverk. En stundum hafa þessi hjáverk
Fjölskyldan á Laxamýri. Kallað á fólkið frá störfum, er gestir
vildu taka mynd.
392 Heima er bezt