Æskan - 01.11.1969, Page 19

meðfylgjandi mynd, hof voru reist
við þau, jrar sem prestar fluttu bæn-
ir fyrir hinum látna faraó. Þess var
vandlega gætt að smyrja líkamann
vel inn með smyrslum, svo að hann
Varðveittist vel, jrá gat andi hans
notað líkamann að nýju, ef hann
vildi snúa til baka.
Háttsettir embættismenn og auð-
Ugir kaupmenn létu einnig reisa sér
virðuleg grafhýsi. Egypzkur höfð-
ingi hugsaði um grafhýsi sitt sem bú-
stað eilífðarinnar, þar sem hann
lifði áfram að loknu jarðlífi í svip-
nðu formi og áður var. Þess vegna
var mikilvægt, að þetta hús eilífð-
arinnar væri vel búið að öllum vist-
Um og veraldargæðum. Ríkir menn
létu snemma á ævi sinni byggja sér
þessi grafhýsi, og það var eitt mesta
rnetnaðarmál þeirra að fara með
konu sína og fjölskyldu til þess að
skoða það í tómstundum og dvelja
þar við gleðskap. Þeir völdu úr kær-
ustu muni sína til þess að hafa með
sér i grafhýsinu, og kappkostuðu að
eiga þar skrautlegt hvílurúm.
Þeir trúðu því, að andi þeirra ætti
eftir að reika um akra himnaríkis,
sem þeir töldu að mundu vera svip-
aðir og í Egyptalandi. Þeir gátu ekki
hugsað sér nokkurn stað fegurri en
Egyptaland. Og þar sem akrar
mundu vera í himnaríki, var lík-
legt, að hann yrði látinn vinna að
akuryrkju, þess vegna varð að hafa
með sér í grafhýsið ýmis jarðyrkju-
verkfæri úr steini eða trjáviði, sem
þeir töldu sig Jrurfa með til starfsins.
Megninu af þeim munum og dýr-
gripum, sem þessir auðmenn og far-
aóar höfðu með sér í gröfina, var
stolið af grafarræningjum. En graf-
hýsi Tutankhamens hefur staðizt alla
ræningja. Það fannst óhreyft árið
1922, og þaðan hafa nútímamenn
megnið af þekkingu sinni um þessa
greftrunarsiði Forn-Egypta.
I næsta blaði:
Daglegt líf
í Egyptalandi

í pýramídunum voru grafhýsi faraóanna,
en umhverfis þá voru byggð hof, þar sem
prestar fluttu bænir þeim tii dýrðar.
511