Æskan - 01.11.1969, Síða 37

FYRIRMYND
HVATNING

Lærisveinarnii
Andrés
Jóhannes 6, 8—9.
Segir þá einn af lærisveinum hans,
Andrés, bróðir Simonar Péturs, við
hann: Hér er ungmenni, sem heiur fimm
byggbrauS og tvo smáfiska. En hvaS er
þetta handa svo mörgum?"
ORKA er einkennandi í skapgerð Andrésar.
Fyrsti raunverulegi vinurinn, sem Jesús eignast, er
Andrés. Og orkan, sem fljótt kom í Ijós hjá Andrési, var
fyrst og fremst andleg.
Eins og Pétur, bróðir hans, sem hann vann íyrir, var
hann fiskimaður á Galíleuvatni.
Stundum kalla menn Andrés „kynninn." Því að það var
hann, sem kynnti bróður sínum Jesú, um leið og hann
vissi, að hann var hinn sanni Messías.
Það var hann, sem kom með unglinginn til Jesú, sem
átti brauðin og fiskana. Það var hann, sem fyrstur fór með
Grikkina til Jesú — og margir halda, að þegar Andrés
sagði bróður sínum frá Jesú, hafi Jóhannes verið með
honum og farið og sagt bróður sínum, Jakobi, frá Jesú.
Þegar Jóhannes skírari skírði Jesúm í ánni Jórdan, var
Andrés þar.
Andrés var vingjarnlegur og gerði allt með mildi og
kærleika. Hann var leiddur f dauðann, af því að hann neitaði
að tiibiðja falsguð. Samkvæmt helgisögn er sagt, að hann
hafi endað líf sitt með þessum orðum:
„Drottinn, ég vildi, að ég hefði tíma til þess að segja
þeim sapnleikann, sem lífláta mig nú....“
Andrés var hæglátur á margan hátt. Án efa hefur ekki
mikið farið fyrir honum, svo sjaldan er minnzt á hann af
hinum postulunum. En hann var jafnmikilvægur hinum.
Hann rækti hlutverk sitt. Hann sagði mönnum frá Jesú og
kom með þá til hans. Ef til vill hefur Andrés einstaka
sinnum orðið eins og útundan, þar sem bróðir hans, Pétur,
var svo snjall og hugmyndaríkur. En Andrés er okkur góð
fyrirmynd og eftirminnileg. Ef til vill er eitthvað sameigin-
legt með honum og þér.
DRAUMUR JÖLANNA
Á jólunum verðum við aftur ungir,
sem aldur er tekinn að hrjá.
I>ú fæðist ávallt hið eina mesta,
sem allar mannssálir þrá:
Vonin og trúin á friðinn og frelsið,
þá fagna hörnin — og við með þeim.
Ljóshafið flæðir um allt og alla,
og okkur dreymir um nýjan lieim,
svo leysist mannanna mikli vandinn
og miskunn drottins þerri öll tár. —
Gefi oss öllum Guðssonar andinn
gleðilcg jól — og friðarins ár.
P. S.
529