Æskan - 01.11.1969, Síða 77

David Janssen
DAVID JANSSEN, leikarinn heimsfrægi, sem leikið hefur dr.
Kimble í sjónvarpssyrpunni Á flótta, er 39 ára gamall.
Er hann var aðeins eins árs að aldri, skildu foreldrar hans,
og eftir það varð móðir hans að sjá um uppeldi drengsins, en
hún var þá þekkt dansmær. Bernska Janssens var að ýmsu leyti
erfið, þar sem það varð hlutskipti hans að fylgjast með móður
sinni, sem var á stöðugum ferðalögum með hinum og þessum
dansflokkum, sem hún starfaði við eða veitti forstöðu. Sjö ára
gamall stóð hann fyrst á sviðinu — og þá þegar hafði móðir
hans ákveðið, að hann skyldi verða sú stóra stjarna, sem hún
sjáif aldrei varð. En sá litli var ekki aldeilis á sama máli og móðir
hans. Hann hafði engan sérstakan áhuga á leikhúsum eða kvik-
myndum, en átti þá ósk heitasta að verða atvinnuknattspyrnu-
maður. 14 ára gamall slasaðist hann þó alvarlega á fæti, og þar ;
með var sá draumur búinn. Síðan hefur hann ævinlega stungið
eilítið við, alveg eins og dr. Kimble er látinn gera í sjónvarps-
myndunum.
David Janssen er að eðlisfari talsvert óþolinmóður og eirðar-
laus — eins og allir flóttamenn — og næstu ár var líf hans
raunar líkast flótta. Hann átti í erfiðleikum með að finna sjálfan
sig og flæktist úr einu staríi I annað. Hann kynntist hungri og
kulda — og hann hefur síðar Ifkt þessum hluta ævi sinnar við
hundalíf.
Svo rann upp tækifærið. Honum barst tilboð um að taka að
sér kvikmyndahlutverk einkaspæjarans Richards Diamonds í sam-
nefndri sjónvarpssyrpu, sem stóð til að framleiða. Tók hann þvi
boði, og er skemmst frá því að segja, að þættirnir vöktu geysi-
athygli og gengu um fjögurra ára skeið. Framleiðendurnir græddu
mikið, en hann varð sem sé ekki ríkur á hlutverkinu, en hann
varð frægur. Skömmu siðar barst honum tilboð um að leika dr.
Kimble í sjónvarpssyrpunni Á flótta.
Almennt er talið, að hann hafi grætt stórfé á leik sínum í
hlutverki dr. Kimbles — sem öðlaðist gífurlegar vinsældir — og
David Jansen hefur náð miklum vinsældum fyrir leik sinn sem
Dr. Kimble i sjónvarpsþáttunum „Á flótta“. Fyrir leik sinn i þess-
um þáttum hefur David hiotið 40 milljónir króna.
mun það sizt orðum aukið. Hins vegar er það staðreynd að
Janssen — sem fór með hlutverkið í 120 fimmtíu mínútna þátt-
um — hefur fengið meira en nóg af þessum tvifara sínum, og
á síðastliðnu ári sagði hann stopp, þar sem þetta var orðin
honum hrein plága.
Hann hefur leikið í tveimur kvikmyndum síðan: Viðvörunar-
skotinu og Grænu djöflunum og hlotið mikið lof og fé fyrir.
Hann var kvæntur Ijósmyndafyrirsætunni Ellie Graham, en þau
hafa nú slitið samvistum.
5. Er skólinn jafnt fyrir pilta og stúlkur?
SVAR: Já.
Um atvinnuhorfur matsveina er það að
segja, að þær munu vera all-góðar. Að
minnsta kosti er oft auglýst eftir þeim í
blöðum og útvarpi. Kaup þeirra mun vera
sæmilegt, t.d. er það svo á mörgum fiski-
skipum, að matsveinninn fær 11A eða 11/2
hlut, miðað við hlut háseta.
Svar til „Kaupanda":
1. Máladeild í menntaskóla.
2. Handlækningar eru kenndar hér í
læknadeild Háskóla Islands.
3. Námstími I loftskeytanámi er 2 vetur,
8 mánuðir hvorn vetur. Kennt er í
námskeiðum, sem Landssími Islands
sér um.
S V O R
Svar til Ómars: Nei, það þarf alls 28
mánaða siglingatíma, eða 24 á fiskiskipi
og 4 á kaupskipi eða varðskipi. Gott er
að hafa lokið sæmilegu gagnfræðaprófi,
áður en farið er í Stýrimannaskólann.
Svar til Harðar: Skrifaðu tii „Vélhjóla-
klúbbsins Eldingar, c/o Æskulýðsráð, Frí-
kirkjuvegi 11, Reykjavík.
Svar til Tryggva: Nei, í þessu efni verð-
ur þú að taka ákvörðun sjálfur. Báðar þess-
ar atvinnugreiitar, sem þú nefnir, eru
skemmtilegar. í októberblaðinu getur þú
lesið um flugmannsstarfið í þættinum
„Hvað viltu verða?“ Þú ert líka svo ungur,
að þú getur vel beðið með að taka ákvörð-
un um starf næstu 4 árin. Athugaðu þetta
allt saman, þegar þú ert t. d. orðinn 16 ára.
Svar til O. S„ Vestmannaeyjum: Utaná-
skriftin gæti verið: Kennarskóli íslands,
Stakkahlíð, Reykjavík. Skólastjóri er dr.
Broddi Jóhannesson.
Svar til Hreiðars: Ekki getum við ráð-
lagt þér neitt sérstakt starf, en eftir bréfinu
að dæma hefur þú nokkuð fjölbreytta
hæfileika. Hvað vilt þú sjálfur helzt verða?
Svar til H. H.: 18 ára aldur og landspróf.
Svar til Jonna: Grein um tækniskólanám
kemur í þættinum „Hvað viltu verða“ senn
hvað líður.
Svar til tveggja 12 og 13 ára: Nei, þessi
starfsgrein er víst ekki til hér á landi
ennþá.
Svar til Einars: Læknanám er langt há-
skólanám, bæði verklegt og bóklegt.
Námið er býsna erfitt, svo að læknanemar
verða að leggja hart að sér.
569