Æskan - 01.01.1979, Blaðsíða 10

KALLI FÆR HUGMYND
Fyrir neöan heimili Kalla feita var grasbali, Þar vár
notalegt að kúra sig í sólbaði og láta sér líða vel.
— Heyrðu Nonni, eigum við að búa til fleka? spurði
Kalli.
— Ha, fleka? Hvar eigum við að fá spýtur? ansaði
Nonni litli letilega. Hann svaraði alltaf öllu með annarri
spurningu.
— Ég veit hvar við getum stolió spýtum, ítrekaði Kalli.
Við getum náð í þær hjá Tittlinga-Stínu.
— Titt-littinga-Stínu? endurtók Nonni og gæsahúð fór
um hann.
Tittlinga-Stína bjó í litlum kofa á hæðinni. Hún hafði
geggjast þegar hún var ung. Viðurnefnið Tittlinga-Stína
hafði hún fengið vegna þess aó hún kallaði á eftir
hreppsnefndinni:,.Tittlingar, tittlingar!" þegar þeir höfðu
verið að reyna að fá hana með sér á hæli. Kettir hændust
að henni, og það var haft fyrir satt að hún lokkaði til sín
annarra manna ketti með blíðuhótum. Þeir voru einu
vinir hennar. Þegar geðveilan kom í Ijós var henni holað
niður í þetta kofaskrifli á hæðinni, en svo langt var síðan
það var gert, að enginn mundi lengur hvaðan hún kom
eða hvar ættingjar hennar voru niðurkomnir. Enginn
vissi hvar hún fékk peninga til lífsviðurværis. Sumir héldu
að hún æti kettina sína, en aðrir töldu að bróðir hennar
sendi henni peninga.
— Af hve-hverju heldurðu að Titt-tittlinga-Stína eigi
spýtur? spurði Nonni. — Hún gengur í lörfum og hefur
ekki einu sinni gler í gluggunum.
— Veistu hvað? sagði Kalli og feitt andlit hans Ijómaði.
— Hún var með hænsni, en ég veit að þau drápust fyrir
stuttu og það eru fínar spýtur í hænsnakofanum.
— En hvað með það, ekki ge-getum við bara labbað
og tekið hænsnakofann. Ég er viss um að Titt-tittlinga-
Stína my-myndi bara drepa okkur ef hún næði í okkur.
Nonni var alltaf dálítið ragur, enda frekar lágur vexti.
— Iss. Skræfa. Heldurðu ekki að við ráðum við hana
ef við förum allir strákarnir í félaginu? sagði Kalli sann-
færandi.
Nokkrir guttar í hverfinu höfðu stofnað leynifélag í helli
einum í hrauninu. Það hét Töffarafélagið og einu inn-
gönguskilyrðin voru að vera níu ára, eða bara vera vinur
Kalla. Hann var nefnilega foringinn. Tilgangur félagsins