Æskan - 01.01.1981, Page 46

Örninn er ekki stærsti ránfugl í heimi heldur er það gammurinn, eða sú tegund gamma,
sem lifir í Suður- Ameríku, og er kölluð kondór. Þessir gammar geta orðið svo stórir að 5 — 6
metrar eru á milli vængbroddanna. Enginn fugl flýgur heldur eins hátt og kondórinn. Hafa
flugmenn rekist á þá í 5—6000 metra hæð. Kondórinn vinnur mikil spell á kvikfénaði á
sléttunum miklu í Suður- Ameríku og hafa smalarnir einkennilega aðferð til þess að ná sér
niðri á þessum skaðlega lambaræningja. Þeir búa til litlar girðingar úr háum og sterkum
greinum og láta svo hrátt kjöt sem agn inn í girðinguna. Og ef kondórinn freistast til að ná í
kjötið þáer úti um hann. Hann getur nefnilega ekki hafið sig til flugs beint upp, heldur verður
að hlaupa á harða sprett til að geta lyft sér, alveg eins og flugvél rennir sér á velli, og nú
kemst hann ekki fram fyrir girðinguna og er króaður inni.
Mamma er að gefa litla bróður að
sjúga og Stína horfir lengi á og er að
velta einhverju fyrir sér. Loks segir
hún:
— Mamma, hvernig ferðu að þvíað
láta á brjóstin?
Hundruðum saman
Maður nokkur var aö fara með
drenginn sinn til tannlæknis. Stráksi
kveið fyrir, því að búist var við, að taka
þyrfti úr honum tönn. Þegar þeir eru
að ganga upp tröppurnar til tann-
læknisins, segir drengurinn hálf-
kjökrandi: Ég kvíði svo afskaplega
fyrir, pabbi minn! Engan kveifarskap,
drengur! Það er hreint ekkert, að láta
taka úr sér eina tönn. Maður veit ekki
af því!
Þá segir stráksi: Hefur þú nokkurn-
tíma látið taka úr þér tönn?
— Ég, svarar faðir hans, og rykkir
honum inn fyrir þröskuldinn í biðstof-
unni: — Ójá, það hefði ég nú haldið.
Þær hafa bara verið rifnar úr mér
hundruðum saman — gáðu að því,
drengur — hundruðum saman.
Skrýtlur.
Sigga litla, fjögurra ára, kom í búð
að kaupa sér sælgæti. Hún var í sam-
festingi, og þess vegna var það eðli-
legt þótt afgreiðslumaðurinn spyrði:
— Hvað ætlar þú að fá drengur
minn?
Sigga sneri upp á sig.
— Ég er enginn drengur, ég er
stúlka innanundir.
— Hverjum finnst þér hann litli
bróðir þinn líkur?
Sigga litla: — Hann er eins og
mamma um augun, eins og pabbi um
nefið og eins og afi um munninn, því
að hann hefur engar tennur.
40