Æskan - 05.10.1987, Blaðsíða 34

Á undanförnum vikum hafa 5 eöa 6 vin-
sælustu lög íslensku poppútvarps-
stöðvanna verið sungin á fjórum tungu-
málum. Það telst til verulegra tíðinda.
Síðustu þrjá til fjóra áratugina hafa
enskir og íslenskir söngtextar verið
allsráðandi á íslenskum dægurlaga-
markaði.
Þau tungumál, sem nú hafa blandað
sér í annars einlitt litróf vestræns dæg-
'urpopps, eru danska og spænska.
Dodo & The Dodos eiga heiðurinn af
danska laginu „Giv Mig Hvad Du Har“
en mexíkanski kvintettinn Los Lobos
(Úlfarnir) hefur gert það gott með
tveggja alda gömlum slagara, „La
Bamba" (Geitin)
Úlfarnir urðu ekki fyrstirtil að hljóðrita
Geitarsönginn. Þeir urðu ekki einu sinni
fyrstir til að koma honum inn á vin-
sældalista. En þeir voru fyrstir til að
koma Geitarsöngnum í efsta sæti vest-
rænna vinsældalista, m.a. bæði þess
enska og bandaríska.
Geitarsöngurinn var reyndar eitt
fyrsta lagið sem Úlfarnir æfðu þegar
hljómsveitin var stofnuð 1973. Allar
götur síðan hefur hann verið aðallag
Úlfanna á tónleikum þeirra, tónleikum
sem hafa orðið allt upp í 300 á ári. Það
lætur því nærri að Úlfarnir hafi verið
búniraðspilaGeitarsönginn um eðayfir
þrjú þúsund sinnum þegar þeir hljóðrit-
uðu hann fyrir kvikmyndina „La
Bamba"!
Það var því tími til kominn að Geitin
launaði Úlfunum tryggðina.
VISSIR PÚ...
Úlfarnir— Los Lobos
að U2-sveit (slands,
Gildran, rekur bárujárnshljómsveitina
Pass í hjáverkum?
að Poppþáttur Æskunnar valdi lagið
„Afmæli“ með Sykurmolunum „Lag
ársins 1986"? Nú er hugsanlegt á að
breska popppressan velji þetta sama
lag „Lag ársins 1987“. Það var á dög-
unum gefið út í Bretlandi. Nánast sam-
dægurs völdu flest poppblöðin þar um
slóðir það „Lag vikunnar", þ.á.m. hið
virta tímarit Melody Maker (Lagasmið-
urinn).
Madonna
34