Æskan - 01.04.1991, Blaðsíða 43

Tennurnar henta vel til slíkra
verka; þær eru allt að 10 sentímetr-
ar á lengd og oddhvassar.
Ekki er hægt að tala um fast út-
breiðslusvæði háhyrninga því að
þeir eru sífellt að flytja sig til eftir
því hvar vænlegast er aó ná í æti.
Þeir eru þó mest norðan til í Atl-
antshafi og Kyrrahafi og auk þess
við Suðurskautslandið. Fjöldi hval-
anna við Island er breytilegur en
margt bendir til að upp undir 1000
dýr séu hér einhvern tíma úr ári að
minnsta kosti.
Háhyrningar eru mestu greindar-
skepnur og því eftirsóttir af sjó-
dýragörðum víða um heim. Sæ-
dýrasafnið í Hafnarfirði gekkst á
sínum tíma fyrir þvf að fanga þá og
senda til ýmissa landa og hafði af
því allgóðar tekjur.
Grindhvalur telst til höfrunga þó
að útlit hans sé ekki dæmigert fyrir
þessa ætt hvala. Hann er kubbsleg-
ur í vexti og höfuðið allt að því
hnattlaga, að mestu svartur, aðeins
hvít rák á kviðnum og hvítur blett-
ur á kverk. Grindhvalurinn er ekki
bundinn ákveðnum hafsvæðum, er
bæði á norður- og suðurhveli og
jafnt í köldum og hlýjum sjó. Hann
færir sig mikið til líkt og háhyrn-
ingur og stendur það bæði í sam-
bandi við fengitíma og fæðu.
Grindhvalir sjást alltaf öóru
hverju hér við land og þá hefur
margsinnis rekið á fjörur á liðnum
öldum. Þótti aó þeim góður fengur.
Hér hefur þó aldrei tíðkast grind-
hvaladráp í stórum stíl líkt og f
Færeyjum.
Enn má geta tveggja höfrunga-
tegunda sem flækjast inn á haf-
svæðið við ísland. Það eru hnýð-
ingur og leiftur. Vafalaust er nokk-
uð breytilegt hve mikið er af þeim.
Hnísan, einn algengasti hvalur-
inn hér við land, var áður talin til
höfrunga. En hún er svo frábrugðin
þeim í mörgu að hún er nú fiokkuð
í sérstaka ætt og fellur því utan við
efni þessarar greinar.
Höfrungar hafa nokkra sérstöðu
meðal hvala fyrir margra hluta sak-
Höfrungur (Delphinus Delphis)
Myndirnar tók Sigurgeir Jónas-
son Ijósmyndari í Vestmanna-
eyjum þegar hann og félagar
hans sigldu inn í stóra höfr-
ungavöðu austan við Eyjar 6.
mars sl. Höfrungar eru sund-
fimir og taka gjarna undir sig
stökk. (Þið kannist eflaust við
leikinn höfrungahlaup!) Þeir eru
taldir með skynsömustu
dýrum jarðar.
ir. Má þar nefna fimi þeirra og
hæfni til aö laga sig að heimi
mannsins. Þeir eru taldir með
skynsömustu dýrum jarðar og þá
byggt á margháttuðum rannsókn-
um. En ekki er víst að sumir stóru
hvalirnir standi þeim langt aö baki
á því sviði; það er bara miklu erfið-
ara að fá úr því skorið þegar þeir
eiga í hlut.
Óskar Ingimarsson
Æskan 47