Æskan - 01.07.1992, Page 21

ÍSLENSK/TYRKNESKU
STÚLKURNAR
KÆRA ÆSKA!
Hér skrifa ég kannski óvenjulegt bréf en mig lang-
ar til að segja frá því hvernig var að þekkja systur sem
hafa nú farið til Tyrklands með föður sínum. Þær voru
kallaðar Dabbý og Rúna. Móðir þeirra berst ákaft fyr-
ir að fá forræði yfir þeim - eins og þið hafið eflaust
heyrt í fréttum.
Mér finnst mjög óréttlátt gagnvart þeim að verða að
dveljast hjá föður sínum. Hann var ekki þeirra besta
skjól. En amma þeirra og mamma voru þeim mjög
góðar.
Þegar ég kom til þeirra í afmæli sögðu þær mér að
þeim væri illa við að hafa föður sinn þar. Þær máttu
aldrei heimsækja önnur börn. Faðir þeirra leyfði það
ekki. Mamma mín spurði einu sinni ömmu þeirra hvort
þær mættu koma til mín að leika sér. Hún sagði nei,
faðir þeirra hefði svo mikið harðræði á heimilinu.
Finnst fólki þetta rétt? Ég spyr bara.
Ég gæti sagt miklu meira en þetta þó að ég geri það
ekki núna. En mér finnst fólk eiga rétt á sannleikanum.
Guðríður Lára.
ÖMURLEGA
VÆMIÐ
Kæra Æska!
Mér finnst efniö í Æskunni oft
mjög barnalegt og ömurlega væm-
ið. Til dæmis þetta:
... segir mamma Sylvíu og
horfir glettnum augum á dóttur
sína.“
Guð minn góður! Það eru líka
vitibornar manneskjur sem lesa
þetta blað.
Þegar einhver minnist á þetta
eruð þið að afsaka ykkur:
„Við reynum að láta efnið í blað-
inu höfða til allra aldursflokka, líka
þeirra yngstu."
Blaðið, eins og það er núna
(fyrir utan rokkþáttinn), er fyrir
krakka 6-10 ára.
Fyrirgefðu ef ég hef móðgað
Þíg-
Gilitrutt.
Es.: Geturðu sent mér 4. tbl.
1992? Einhvern veginn komst vatn
í það og allt eyðilagðist.
Frá Æskunni:
Að sjálfsögðu sendum við
„Gilitrutt" (að verða 12 ára) tölu-
blaðið sem hún bað um - strax
og við fengum bréfið - því að
við erum ekki móðguð!
Þökk fyrir bréfin!
Allir sem senda bréf (til Æskunnar - eða
hvert sem er) eiga að undirrita það með fullu
nafni. Við birtum dulnefni sé þess óskað.
E
FINNST...
ég tel... ég vil...
Æ S K A N 2 7