Æskan - 01.04.1994, Qupperneq 7

Hér byrjar nýr þáttur. Evrópumeistar-
inn og „heimsmeistarinn okkar“ í þolfimi,
Magnús Scheving, mun svara spurning-
um um íþróttaiðkun, heilbrigði og holl-
ustu - eins og kynnt var í ávarpsorðum í
3. tölublaði Æskunnar...
ÞOLFIMIKEPPNI
Kæri Magnús!
Til hamingju með árangurinn.
Okkur strákunum finnst þú aðal-
heimsmeistarinn! Að verða 0.04 stigum á
eftir japönskum manni í keppni sem fer
fram í Japan með mörgum japönskum
dómurum - það er sigur og ekkert ann-
að!
Er hægt að hafa þolfimikeppni fyrir
unglinga?
Áhugasamur.
Svar:
Þolfimikeppni á vegum Æskunnar og
„Gallerí Aerobic Sports" fer fram í sept-
ember og október. Hún verður undirbúin
í sumar. Ég mun birta keppnisreglur í 5.
tbl. Æskunnar sem kemur út 20. júlí nk.
Keppt verður í tveimur aldursflokkum,
9-12 og 13-16 ára. Keppnin verður hald-
in víða um land og sigurvegari í hverjum
landshluta keppir á úrslitakvöldinu í
Reykjavík.
Ef þú átt heima í Reykjavík eða
grennd getur þú æft unglingaþolfimi í
„Gallerí Aerobic Sport," Faxafeni 12
(s. 679400).
OF SEINT AD BYRIA ...
Magnús Scheving!
Ég er 13 ára stelpa og hef aldrei æft í-
þróttir. Get ég náð góðum árangri ef ég
byrja núna?
Sigga Vigga.
Svar:
Auðvitað!
Það er aldrei of seint að byrja að
hreyfa sig. ( þolfimi hjá mér er til dæmis
maður sem er 67 ára og byrjaði 63 ára!
En þú ert að spyrja hvort þú náir góð-
um árangri.
Hvað er góður árangur? Ef þú ert að
tala um að sigra þá veistu að það kostar
mikla vinnu og mikinn sjálfsaga. En það
geta allir sem setja markið hátt. Þetta er
auðvitað spurning um að vera í réttum
félagsskap, láta áfengi vera og auðvitað
að reykja alls ekki.
Svo er líka góður árangur að vera í
góðu formi, líða vel og hugsa um heils-
una. Ég kalla góðan árangur að hreyfa
sig þrisvar til fjórum sinnum í viku reglu-
lega. Og stunda þá t.a.m. sund, hjólreið-
ar, þolfimi eða boltaíþróttir.
Hugsaðu aldrei þannig að þú sért of
sein að hugsa um heilsuna!
AD ÞYNGJA SIG ...
Kæri Magnús!
Ég hef alltaf átt í vandræðum með
þyngdina. Ég er ekki nógu þungur! Getur
þú gefið mér ráð til þess að bæta við
mig kílóum - án þess að fitna. Ég hef
góða lyst og borða alls konar mat en
samt...
Vongóöur.
Es.: Það er stórkostlegt að verða Evr-
ópumeistari og jafn heimsmeistara!
Svar!
Það er dálítið erfitt fyrir mig að svara
þessari spurningu fyrr en ég veit hvað
þú ert gamall. Að bæta við þyngdina er
stundum erfitt, næstum eins erfitt og að
losa sig við aukakíló.
Besta ráðið er að borða hollan mat
reglulega, láta aldrei líða meira en tvær
til þrjár stundir milli mála (Það er reyndar
ekki gott fyrir tennurnar svo að þú skalt
hafa tannburstann ekki langt undan!).
Hér er hugmynd að matseðli. Auðvitað
verður þú að byrja hægt og auka
skammtinn smám saman.
Kl. 07.30: Skyr eða jógúrt með
„múslí“ út í. Banani, ávaxtasafi,
brauð, léttmjólk eða undanrenna.
Kl. 10.00: Epli eða banani, appelsína.
Samloka með grænmeti. Tvö til þrjú glös
af vatni.
Kl. 12.00: Pasta, spaghettí, eða fiskur
með kartöflum, grænmeti eða súpa.
Ávaxtasafi eða vatn.
Kl. 15.00: Vatn, hrökkbrauð eða
brauð með osti, undanrenna eða
fjörmjólk.
Kl. 17.00: Banani, appelsína.
Kl. 19.00: Kjöt eða fiskur með kartöfl-
um, grænmeti eða hrísgrjónum eða
grjónagrautur.
Kl. 21.00: Vatnsglas, vínber eða
poppkorn.
Nauðsynlegt er að fara snemma að
sofa. Það er líka gott fyrir þig að lyfta
lóðum ef þú ert orðinn nógu gamall til
þess.
Gangi þér vel!
ÓBEINAR REYKINGAR
Magnús!
Ég hef dálitlar áhyggjur. Mamma mín
reykti í mörg ár. Hún hætti í vetur. Ég
vona að hún standi sig. En ég er hrædd
um að reykingaloftið heima hafi skemmt
fyrir mér og ég geti ekki náð eins góðum
árangri og hinar stelpurnar. Ég var að
byrja að æfa hlaup. Getur það verið?
Ég hef auðvitað aldrei reykt sjálf.
Mamma vann úti eftir hádegi og ég var í
skólanum á morgnana. En það var alltaf
reykingalykt heima.
Htaupasjúk.
Svar: Það vita allir sem hugsa eitt-
hvað um heilsuna að reykingar eru versti
óvinur lungnanna. Það eru lungun og
hjartað sem sjá okkur fyrir súrefni og sjá
til þess að þolið (úthaldið) sé í lagi. Þeg-
ar maður æfir hlaup skiptir það miklu
máli.
Það er auðvitað hámark sjálfselsk-
unnar að reykja í návist fólks sem ekki
reykir. En núna er mamma þín hætt að
reykja, gott hjá henni!
Með markvissum æfingum og útiveru
ætti þetta ekki að skaða þig. Allt er á
uppleið hjá þér!
Þakka ykkur fyrir bréfin! Það er
gaman að sjá að þið hugsið öll um
heilsuna! Verið ófeimin við að spyrja.
Með kærri kveðju,
Magnús Scheving.
Æ S K A N 7