Æskan - 01.04.1994, Qupperneq 49

myndband við nýja lagið okkar, „More to
This World“. Þar náðum við okkur í lit með-
an kvikmyndað var. Það var samt allt vinna,
vinna, vinna.
T: Við vorum heppnari núna en þegar
fyrsta myndbandið var tekið upp, við lagið
„Don't Talk About Love“. Það átti að gera á
Ítalíu en sólin lét ekki sjá sig svo að við
þurftum að æða til Mallorca með allan út-
búnað.
- Þið eruð þá mikið á ferð og flugi...
Allir: Já.
T: Við erum á kynningarferðalagi um
Bretland þessa dagana til að kynna nýju
smáskífuna og plötuna sem kemur út í júní.
M: Við höfum verið á ferð og flugi í
margar vikur og varla náð að sofa sex tíma
á nóttu. Þetta er einn af fyrstu rólegu dög-
unum, ekki nema eitt viðtal og einn sjón-
varpsþáttur.
D: Við höfum nú þegar komið fram í
Þýskalandi, Belgíu, á Ítalíu og Spáni. Við
förum í tónleikaferðalag um Japan í júlí og
líklega um Bretland í september og október.
Eftir það er stefnan tekin á Norðurlöndin.
- Einhver möguleiki að þið komið til (s-
lands?
M: Vonandi! Ég legg inn sérstaka
beiðni...
D: Mig langar til að koma til íslands og
ekki væri verra að geta skellt sér á skíði í
leiðinni.
- Það hefur lítið heyrst í ykkur síðan þið
gáfuð út smáskífuna „Walking on Air“ fyrir
jól. Núna, ári eftir að þið byrjið, kemur fyrsta
breiðskífan út. Hvers vegna þessi bið?
T: Við vorum ekki ánægðir með lögin
Matthew James Pateman - f. 14.5. 1971.
Hlutverk: Aðalsöngvari.
Lýsing: Ég hef mikla sköpunargáfu og listhæfileika.
Ég get verið mjög viðkvæmur, þrjóskur og um-
hyggjusamur.
eins og þau voru svo að við hljóðrituðum
mörg þeirra aftur og breyttum þeim.
M: Lögin voru ekki í okkar stíl. Nú eru
þau danstónlist og þannig viljum við hafa
þau. Fólk í Bretlandi og víðar í Evrópu er
farið að hallast að slíkri tónlist. Þar er
stærsti markaðurinn og þar viljum við vera.
- Hvað um samanburð við aðrar hljóm-
sveitir, svo sem Take That og East 17?
Verðið þið þreyttir á honum?
T: Já! Fólk var alltaf að bera okkur sam-
an við þessar hljómsveitir, sérstaklega í
byrjun, en núna er það farið að átta sig á að
hver hljómsveit hefur sinn persónuleika,
sína tónlist og sína ímynd.
M: Okkur fannst samt heilmikið hrós að
vera bornir saman við Take That í byrjun
því að þeir voru orðnir mjög vinsælir þá.
AÐDÁENDUR UM ALLAN
HEIM
- Aðdáendaklúbbar hljómsveitarinnar
eru starfræktir í mörgum löndum. í þeim eru
tugir þúsunda félaga...
D: Já, þeir eru úti um allan heim, meira
að segja í Ástralíu. Stærsti klúbburinn er
samt hér í Bretlandi.
- Tyggir aðdáendur bíða við heimili ykk-
ar og elta ykkur á röndum ...
T: Það er hálf-skrýtið en oft vita þessar
stelpur betur en við hvað við eigum að
gera. Þegar ég vakna get ég jafnvel stungið
höfðinu út um gluggann og spurt hvað við
eigum að gera þann dag og þær segja mér
það!
Alastair John Begg (Ally Begg) - f. 21.8. 1972.
Hlutverk: Ég er bara einn af strákunum og reyni að
standa báðum fótum á jörðinni. Ef einhver þeirra
ætlar að setja sig á háan hest er ég fyrstur til að
toga hann niður aftur.
Sjálfslýsing: Elskulegur, snotur og kyssilegur.
D: Aðdáendaklúbburinn sendir upplýs-
ingar um ferðir okkar svo að stelpurnar vita
alltaf hvað er á döfinni. Plötufyrirtækið er
líka með símsvara.
M: Þær sem eru hér fyrir utan eltu mig
að heiman í morgun!
D: Það er skrýtið þegar allar þessar
stelpur öskra og stundum gráta þær og
það líður yfir þær þegar þær sjá okkur.
Furðulegt, er það ekki?
Nú kemur Alli og lýsir því yfir á sinni
syngjandi skosku að hann hafi brotið fingur.
Hinir glettast við hann og segja að honum
sé nær - hann ætti ekki að vera í körfubolta
svona lélegur! Þeir gera grín hver að öðrum
með smáskotum en allt er í góðu og greini-
legt að þeir eru mjög góðir félagar.
SEMJA DANSANA
SJÁLFIR
- Eru lögin á plötunni eftir ykkur?
T: Nei, reyndar ekki.
M: En við höfum unnið mikið í hljóðveri
undanfarna mánuði og samið og tekið upp
okkar eigin lög. Við eigum nóg efni á aðra
plötu sem vonandi kemur út fyrir næstu jól.
- Þið dansið sérstök spor við hvert lag.
Semjið þið dansana sjálfir?
Allir: Já.
M: Viö fengum danshöfund til að vinna
með okkur í byrjun en það tókst ekki enda
vitum við best hvað við getum eða getum
ekki. Með því að semja sjálfir er öruggt að
við reynum ekkert sem er okkur ofviða.
- Þið eruð mikið saman. Hvernig er
samkomulagið?
T: Við erum góðir vinir og þekkjum hver
annan vel. Ef við uppgötvum til dæmis að
svið er ekki nógu stórt fyrir dansana getum
við með augnaráðinu einu ákveðið hvaða
sporum við sleppum. Sem betur fer vitum
við þó yfirleitt fyrir fram hve stórt sviðið er.
- í lokin langar mig til að spyrja hvort þið
trúið á Guð og hvort þið biðjið bænir?
A: Nei.
M: Ég trúi á Guð og bið bænir. Ég bið
um heilbrigði og hamingju fyrir mig og
mína.
T: Mínar bænir eru líka þannig.
D: Ég trúi á Guð en verð að viðurkenna
að ég bið ekki oft bænir. En ég reyni að
hugsa jákvætt og og þakka fyrir allt sem ég
fæ, hvort sem það er heilbrigði, frægð eða
annað.
Nú kom umboðsmaður strákanna og til-
kynnti að við yrðum að láta þetta gott heita
því að þeir þyrftu að mæta hjá sjónvarps-
stöð eftir klukkutíma.
Ég kvaddi þessa vingjarnlegu og
skemmtilegu stráka sem greinilega höfðu
ekki látið frægðina stíga sér til höfuðs. Þeir
sögðust vona að þeir gætu farið til íslands í
náinni framtíð. Þegar ég gekk út og heyrði
óma lag með Bad Boys Inc. ákvað ég að
verða fyrst til að kaupa miða á tónleikana ef
af íslandsferð þeirra yrði.
Æ S K A N 4 9