Heimilisblaðið


Heimilisblaðið - 01.08.1939, Blaðsíða 6

Heimilisblaðið - 01.08.1939, Blaðsíða 6
138 HEIMILISBLADIÐ Islands. Þá tekur Thor Thors til máls*). Talar hann um óskir íslendinga að mega taka þátt í Heimssýningunni og leggja með því sinn skerf til friðsamlegra viðskifta við umheiminn. En að þeir tóku þátt í þessari Heimssýning kom af því að þeir vildu vekja athygli Bandaríkjanna á hinum fornu og nýju tengslum landsins við hinn nýja heim. Benti í því sambandi á Vínlandsfund Leifs heppna sem Ameríku- menn viðurkendu opinberlega með gjöf Leifsstyttunnar 1930. Benti og á sameigin- legar orsakir til landnáms á lslandi og í Ameríku: í báðum tiifellum hrukku land- námsmenn fyrir ofríki úr heimalöndum sínum og stofnuðu lýðríki í hinum nýju löndum. Þá mintist hann hins tiltölulega mikla skerfs sem Islendingar hafa lagt af mörkum í fólksflutningi til Ameríku. Þá gat hann binnar fullkomnu tækni, sem Heimssýningin bæri ljósan vott um: á þeim vettvangi væru íslendingar enn skamt komnir. Samt hefðu þeir sótt fram af seiglu og þrautgæðum, og þótt þeir hefðu engan herafla, þá hefðu þeir varið því fé er þar sparaðist til að reisa ný og betri heimili fyrir unga og aldna til sjávar og sveita. Dýrasta ósk þeirra sé að mega varðveita sjálfstæði landsins og frelsi. Að lokum helgaði hann sýninguna hinum fornu sögulegu tengslum við Ameríku, samúð þeirra og vináttu í nútíð og framtíð. Mæltist Thor Thors vel og sköruglega enda fékk hann gott hljóð. Ræðu þessari svaraði framkvæmdarstjóri Bandaríkjanna á Heimssýningunni, Edward J. Flynn. Fagnaði hann þátttöku Islendinga í Heimssýningunni og kvað friðsemi þeirra vera til alþjóðlegrar fyrirmyndar. Þá söng Guðmundur Kristjánsson söngvari frá Chicago nokkur íslensk lög, meðal þeirra Draumalandið eftir Sigfús Einarsson og Heimi eftir Sigvalda Kaldalóns, af smekkvísi þeirri er honum er lagin. Eftir það hófust ræðuhöldin á ný með ræðu Fiorello La Guardias borgar- stjóra í New-York. Talaði hann stutt en snjalt, og ef keppni í ræðuhöldum hefði verið tilgangur fundarins, þá er ekki að efa, hver borið hefði pálmann af hólmi, það hefði verið þessi lágvaxni, feiti, svarthærði og kviklegi ítali. La Guardia byrjaði á því, að menn frá stóru þjóðunum, sem mikið þættust eiga undir sér, hefðu gott af að vitja íslensku sýningarinnar. Kvað Islendinga hafa afrekað meira í hlutfalli við mannfjölda og í hlutfalli við stærð landsins en allar aðrar þjóðir heimsins. Mintist alþingis hins forna og þess, að fyrir þúsund árum höfðu íslendingar greint sundur löggjafar og dómsvald í landinu. Minti í því sam- bandi á tilhneigingu amerískra dómara að vilja hafa hönd í bagga með löggjafar- valdinu, — enn þann dag í dag. Island, — kvað borgarstjóri, — hafði afnumið fá- tækt, hungur og skort á læknishjálp, — en þessar framkvæmdir ættu enn undir högg að sækja í mörgu stærra landi. En furðulegast afrek Islendinga í augum borgarstjórans var þó það, að þeir skyldu hafa hugrekki til að lifa lífi sínu varn- arlausir — án hers og flota undir axareggjum sumra nágrannanna. Lauk hann máli sínu með kveðju frá New-York borg til Islands: I bring greetings from the largest city in the world to the greatest country in the world!« Gerðu menn, sem vænta mátti, góðan róm að máli hans. Þá flutti Jósep T. Thorson, íslenskur sambandsþingmaður á þingi Canada- manna, kveðjur frá Islendingum í Canada. Kvað hann frelsisást í víðtækasta skiln- ingi hafa verið eign Islendinga frá landnámstíð, og þá frelsisást hefðu íslensku vest- urfararnir haft með sér vestur um hafið, enda lifði hún þar enn í kolunum til Ræðan hefir birst í Lögbergi 29. júní 1939.

x

Heimilisblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Heimilisblaðið
https://timarit.is/publication/431

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.