Heimilisblaðið


Heimilisblaðið - 01.08.1939, Blaðsíða 16

Heimilisblaðið - 01.08.1939, Blaðsíða 16
 148 HElMILISBLAÐIÐ þann, sem lá á borðinu, sveipaður voðinni, og þreif hann augsýnilega enn til þess að hafa hann að árásarvopni, en, lögreglu- mennirnir gripu hins vegar kylfur sínar. »Nei, hættið þér nú«, sagði Orme og kastaði sér inn á milli áflogamannanna. »Ég spyr — eruð þið band-vitlausir allir saman? Vitið þið ekki, að þessi, kvenper- sóna er dáin fyrir hér um bil fjórum þús- undum ára?« »Almáttugur!« sagði lögregluþjónninn, sem hélt á höfði smurlingsing, við félaga sj,nn; »það hlýtur að vera einn af smurl- ingunum, sem þeir eru að hlaða upp í brezka fornmenjasafninu. Það er næsta fornlegt að sjá og allt kryddað — er það ekki?« Síðan þefaði hann af höfðinu og setti það svo frá sér á borðið. Nú hófst skilagreinin. Og er þassir öfl- ugu verðir alls skipulags höfðu verið blíðk- aðir með nokkrum glösum af portvíni, og þar að auki fengið skrá yfir nöfn allra þeirra, sem hlut áttu að máli og smurlings- ins þar á meðal, fóru þeir leiðar sinnar og þóttust fullar bætur hafa fengið fyrir árásina. »Hlýðið nú á mitt ráð«, heyrðist þá und- irforinginn segja með þungri þykkju fyrir dyrum úti. »Imyndið ykkur ekki sí og æ, að hver einn sé það sem hann sýnist vera. T. d. hérna: Maður þarf ekki endilega aö vera fullur, þó að hann detti endijangur á. götuna, hann getur verið magnþrota eða hálfdauöur af hungri eða. hafa fengið nið- urfallssýki. Og skrokkur er ekki allt af skrokkur, þótt hann sé dauður, kaldur og stirður. Er þetta ekki satt, piltar mínir, hann getur líka verið smurlingur, eins og þið hafið nú séð, og það er aUt annað. Et ég klæddi mig í bláu fötin ykkar, yrði ég þá nokkur lögreglumaður fyrir því. Ham- ingjan hjálpi mér — þá væri ég illa kominn! hersins vegna, því í þjónustu hans er ég — já, í varaliðiuu að minnsta kosti. Það sem yður er brýn þörf á, piltar, það er að rannsaka mannlegt eðli og gera yðar at- huganir, þá getur ef til vill svo farið, að yður takist að gera greinarmun á fersku líki og smui'lingi og ýmsum öðrum hlutum. Leggið yður þessi orð mín á hjarta og þá munuð þér enda með því að þér verðið lög- reglustjórar í stað þess að ganga fram í þessum ham allan liðlangan daginn, þang- að til þið hrökkvið upp af einhvern góð- an veðurdag. Góða nótt!« Eftir það er friður komst á og höfuðlausi smurlingurinn var borinn inn í svefnher- bergi, prófessorsins, þá lýsti Orme því yfir, að hann gæti ekki mælt kaupsýslumálum, þar sem lík væri inni, hve gamalt sem það svo væri; héldum við áfram rökræðum vorum. Fyrst hripaði ég niður stuttan samning, þar sem tilgangi, leiðangurs-ins var lýst og ákvað, að sérhverjum ávinning. sem af honum gæti leitt skyldi slript að jöfnu meðal vor. Ef svo færi, að einn okk- ar dæi eða fleiri, skyldu þei,r, sem eftir lifðu taka hlut hans. Ég mótmælti þe.fsu fyrir mitt leyti, því að ég kærði mig hvorki um fé né forngrípi. En hinir hóldu því fram, að ég mundi eins og flestir. aðrir, þurfa af einhverju að lifa, þegar frani í sækti. Eða ef ég þyrfti ekki neins vi,ð, þá myndi sonur minn áreiðanlega þurfa þess. ef oss tækist að bjarga honurn, svo að ég lét að lokum undan. Því næst vildi Orme af skynsemi sinni fastákveða skyldur vorar hvers um sig'. Það var þá fastráðið, að ég skyldi vera fararstjóri. Higgs átti að vera fornfræð- ingur, túlkur og allsherjar-ráðgjafi, Orme átti að vera mannvirkjameistari og æðst- ráðandi í öllum hernaðarmálum, þó með þvi skilyrði, að ef ágreiningur yrði, þá skyldi sá beygja sig þegnsamlegast fyrir meiri hlutanum, sem greindi á við meiri hlutann. Þegar búið var að afrita fagurlega þetta einkennilega skja.1, þá ritaði ég nafn mitt undir það og afhenti það síðan prófessorn- um. Hann hugsaði sig um lítið eitt; en sér til upphvatningar tók hann enn hring drottningarinnar af Saba og rannsakaði hann grandgæfilega, og ritaði síðan nafn sitt undir skjalið, eins og ég, og sagði um

x

Heimilisblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Heimilisblaðið
https://timarit.is/publication/431

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.