Heimir - 01.03.1910, Blaðsíða 13

Heimir - 01.03.1910, Blaðsíða 13
HEIMIR 157 Börnum heiðingja þjóöanna var smám saman kent að skilja hvert annaö, einni kynslóðinni aðra meö því aö geta fært hugsanir sínar í letur og lesiö svo úr því letri. Yfir hjarömennina á heiöunum, fiskimennina við vatniö, veiðimennina í skógunum, hermennina í valnum breiddu þeir frið og ró, lokuðu augum þeirra í dauða og yfir til stríöandi lýðs færðu þeir blessun og friðarhægð viö hvert velunnið starf. Stríðið mýktu þeir, fögnuðinum veittu þeir rnannúö og hlýleika, en sjálfir gleymdust þeir gjörsamlega svo enginn kunni nöfn þeirra að nefna eftir að öld var liöin yfir moldum þeirra. En verk þeirra var unnið og þaö hélt áfram að bera ávöxt, og enn til þessa dags vita allir að það voru einhverjir er þetta gjoröu, heimurinn ber vitni um' þaö, en hvaö þeir hétu, hverrar þjóöar þeir voru, hversu þeir litu út, veit enginn, og gjörir líka minna til, því þó nafnið eitt geymist er það lítil greining eftir 1000 ár. En minning fjölda þessa manna, er lifað hafa eins og góö- vættur meðal þjóðanna, hefir búið til ýms nöfn og ýmsar sagnir um þau nöfn. Ekkert þó ábyggilegt, en það eru minnisvarðar, þeirra tíma, er þakklát mannfélög reistu æfistarfi góðvinanna, meðan menn enn ekki kunnu að höggva til steina og letur á þá, til að merkja leiði þeirra. Mér hefir oft komiö til hugar, hversu furðulegt, og hve mjög það ætti að örfa til framsóknar, þá er nú ganga daglega um eða koma endrum og eins, í borgir þær er vaxið hafa upp til þrifa og menningar á blettum þeim er höndur þessara manna ruddu úr frumskógunum. Borg þessi er fyrst reist og stofnuð af manm,er hafði köllun og hlýddi henni til dauöans. Manni er haföi köllun. Slíkir minnisvarðar eru manni á aðra hönd hvar sem maður fer. Ekki eingöngu í gömlum lönd- um, heldur líka í nýjum löndum. Hér út um allt, út um bygöir vorar. Hver getur látið sér önnur orð fara um huga er hann ekur um sléttan veg með ökrum á báöar hendur, og sér húsin standa einsog útvörð lífs og menningar á dreyfingi um slétturnar. Þetta eru minnisvarðar manna er höföu köllun.

x

Heimir

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Heimir
https://timarit.is/publication/440

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.