Kirkjuritið - 01.06.1954, Qupperneq 12

KIRKJURITIÐ
250
Radliakrishnan.
Sarvepalli Radhakrishnan er fæddur í Tirutani á Suður-
Indlandi 5. sept. 1888 og þar átti hann heima fyrstu átta
ár ævinnar. Þá var honum komið í kristinn trúboðsskóla
og dvaldi hann tólf ár samfleytt í ýmsum kristnum skóla-
stofnunum á Indlandi og hneigðist hugur hans snemma
að trúarheimspeki. Gerðist hann ungur kennari við ýmsa
indverska háskóla og vakti snemma athygli með ritum
sínum, er einkum fjölluðu um samanburð á austrænum
og vestrænum lífsskoðunum. Hér var maður, sem var
jafnvigur í heimspeki Vesturlandabúa og vísindum sinnar
eigin þjóðar og hafði frá barnæsku sökkt sér niður í trú-
arbrögð þeirra. Bárust honum skjótt tilboð um kennara-
embætti við ýmsa enska og ameríska háskóla og hefn’
hann bæði kennt í Oxford, Harvard og Chicago, og víða
um heim hefir leið hans legið, jafnframt því sem vegur
hans fór ört vaxandi hjá hans eigin þjóð. Hefir hann verið
mjög afkastamikill rithöfundur og skrifað fjöldamörg
heimspekirit, en af þeim mun ég aðeins geta tveggjm
Indian Philosophy I—III (London, George Allen and Un-
win Ltd., 1951. 63s). Er þetta sjötta útgáfan af þessu
gagnmerka riti, sem gefið er út í hinu ágæta ritsafni: Th&
MuirheacL Library of Philosophy, en fyrsta útgáfan kom
1923. Má nærri geta, að hér er um úrvalsrit að ræða um
indverska heimspeki og trúarbrögð, þar sem það er skrif-
að af einum skarpskyggnasta anda, sem nú er uppi, og
um leið gerfróðari í þessum efnum en líklega nokkur nú-
lifandi maður annar. Sama er að segja um rit hans: East-
ern Religions and Westem Thought (Oxford University
Press, London 1939). Sú bók hefir einnig komið í mörg-
um útgáfum. I þessari bók rekur hann uppruna ýmissa
grískra heimspekikenninga til indverskrar speki og sýnir
fram á, að margir leyniþræðir liggja milli austrænna og
vestrænna lífsskoðana. En það, sem mestur ávinningur er
að ritum Radhakrishnans, er samanburður hans á lífs-
skoðunum Indverja og Vesturlandabúa og gagnrýni hans