Kirkjuritið - 01.06.1954, Page 26

264
KIRKJURITIÐ
Veizlustjóri var Sigurþór Halldórsson oddviti. — Voru
margar ræður fluttar og mikið sungið.
Ræðumenn voru auk veizlustjóra séra Bergur Björnsson
prófastur, sem færði Kjartani Jóhannessyni fallega gjöf frá
kirkjukórum Mýraprófastsdæmis með þakklæti fyrir vel unn-
in störf í þágu kirkjusöngsins í sýslunni. Kjartan þakkaði. —
Eimfremur tóku til máls Sigurður Birkis söngmálastjóri, séra
Leó Júlíusson, Halldór Sigurðsson söngstjóri, Finnur Árnason,
formaður Kirkjukórasambands Borgarfjarðarprófastsdæmis, og
séra Þorgrimur Sigurðsson frá Staðarstað.
Klukkan 6 voru hljómleikarnir endurteknir, og var fullt hús
í bæði skiptin, var hrifning svo mikil, að kórarnir urðu að
endurtaka mörg af lögunum.
Mót þetta var til mikils sóma fyrir alla, sem að því stóðu.
Óskar Eyvindur Guðmundsson
orgelleikari
lézt í bifreiðarslysi norður í Svarfaðardal þann 4. janúar s.b
Hann var fæddur 24. maí árið 1932 að Eiríksstöðum i Svartár-
dal og var því 21 árs að aldri, er hann lézt.
Hann lærði ungur að leika á orgel. Veturinn 1951—1952
stundaði hann nám í söngskóla þjóðkirkjunnar í Reykjavík,
þar sem hann fullnumaði sig í orgelleik. En í lok söngskólans
hinn 23. maí 1952 var útvarpað úr Dómkirkjunni orgelleik
nokkurra nemenda skólans, og var Óskar heitinn meðal þeirra,
er þar komu fram, og er það skoðun min og margra annarra,
að hann hafi verið þeirra snjallastur, enda var kirkjutónlistin
hans mesta áhugamál og henni helgaði hann krafta sína. Það
er mikil eftirsjá í svo mikilhæfum tónlistarmanni sem Óskar
heitinn var. Hann var orgelleikari í Bergsstaðakirkju og söng-
stjóri kirkjukórsins þar, og harma kórfélagarnir hið sviplega
fráfall söngstjóra síns.
ÍJtför hans fór fram frá Bergsstaðakirkju hinn 19. janúar
s.l. að viðstöddu miklu fjölmenni. Séra Birgir Snæbjörnsson
sóknarprestur að Æsustöðum jarðsöng, og karlakór Bólstaðar-
hlíðarhrepps söng. GuSm. Kr. GuSnason.