Kirkjuritið - 01.06.1956, Blaðsíða 40

278
KIRKJURITIÐ
efla kirkjusönginn sem mest og bað þá að nota hvert tækifæri,
sem þeir gætu, til að kenna börnum söng, það væri stvrkur fyrir
þá sjálfa í framtíðarstarfi og velgjörningur gagnvart börnunum
og þjóðinni í heild. Það yki kirkjusókn og félagslegan þroska,
og það fegraði og fullkomnaði okkar „ástkæra ylhýra mál“, og
það væri eitt fyrsta skilyrði til þess að orðið gæti stöðugt þrosk-
andi sönglíf í landinu. — Að lokum óskaði hann nemendum allrar
blessunar í framtíðarstarfi og kennurunum þakkaði liann ágætt
starf fyrir skólann í vetur.
Herra Asmundur Guðmundsson biskup íslands var viðstadd-
ur skólauppsögnina, og flutti þar fagurt ávarp til hvatningar og
blessunar fyrir nemendur og kennara.
Fór þessi athöfn mjög hátíðlega fram.
Föstudaginn 8. júní síðastliðinn létu nokkrir nemendanna til
sín heyra í útvarpinu. Guðbjartur Eggertsson lék prelúdíu í
d-moll eftir Bach, Jóna Kr. Bjarnadóttir kóralforleik „Ofan af
himnum hér kom ég“ eftir Pachelbel. Hjálmtýr Hjálmtýsson söng
kirkjuaríu eftir Alesandro Stradella. Guðmundur Gíslason org-
anleikari annaðist undirspil. Þórunn Jónsdóttii- lék prelúdíu i
g-moll eftir Bach, og loks Guðmundur Þorsteinsson prelúdíu 1
e-dúr eftir Bach.
Þótti þetta takast vel.
Kirkja íslendinga í Van-
couver, B.C. Hin nýja kirkja ís-
lendinga í Vancouver var tekin til
notkunar á páskadaginn. Smíði
kirkjunnar er nú að mestu lokið.
Er hér um hið fegursta guðshús
að ræða. Er gert ráð fyrir, að kirkj-
an verði vígð 8. júlí n. k. um leið
og kirkjuþing fer fram þar vestra. Séra Eiríkur S. Brynjólfsson er prestur
safnaðarins.