Kirkjuritið - 01.11.1958, Page 5
KIRKJURITIÐ
387
ár. Því var heldur dræmt tekið og gjörðar við það nokkrar
athugasemdir. En á fundi 1940 var stjórn Prestafélagsins fal-
ið að undirbúa kirkjuþingsmálið og vinna að framgangi þess.
Árið 1941 bar Magnús Jónsson prófessor fram á Alþingi
frumvarp til laga um kirkjuþing fyrir þjóðkirkju Islands. Því
var tekið vinsamlega og það talið ágætlega undirbúið. Hlaut
það samþykki E.d. og einróma meðmæli menntamálanefndar
N.d. En þetta dugði því þó ekki til sigurs, heldur féll það
með jöfnum atkvæðum í N.d.
Lokaáfangi í kirkjuþingsmálinu hófst með því, að það var
tekið upp í kirkjuráði 1948 og á prestastefnunni þá um vorið.
Seinna á árinu var frumvarp um kirkjuþing borið undir alla
presta landsins. Svör komu frá 58 þeirra, 46 voru með þvi
óbreyttu, 3 vildu smábreytingar, en 9 voru á móti. Síðan var
það sent kirkjumálaráðherra 8. marz 1949 með beiðni um það,
að hann legði það fyrir Alþingi. Áréttaði prestastefna þá ósk
um vorið. En allt kom fyrir ekki.
Á prestastefnu 1955 var kirkjuþingsfrumvarpið aðalmálið
og framsögumenn þess séra Magnús Jónsson prófessor og
séra Sveinn VikingUr skrifstofustjóri. Þessi ályktun var sam-
þykkt:
„1. Að vinna að því, að sett verði sem fyrst lög um kirkju-
þing fyrir hina íslenzku þjóðkirkju.
2. Að lögin verði í öllum meginatriðum samhljóða frum-
varpi því, er fyrir liggur.
3. Að skora á rikisstjómina að flytja frumvarpið og fá það
afgreitt sem lög frá Alþingi.
4. Að kjósa þrjá menn til þess, ásamt biskupi, að fylgja
málinu fram og vera til ráðuneytis um breytingar þær,
sem ráðherra kynni að vilja gera á frumvarpinu.11
Steingrímur Steinþórsson kirkjumálaráðherra lagði nú
frumvarpið fram á Alþingi 1955—56, en það varð ekki út-
rætt. Eftirmaður hans, Hermann Jónasson forsætisráðherra,
bar það fram á næsta þingi. Hlaut það góðar viðtökur af þing-
mönnum í öllum flokkum og meðmæli menntamálanefnda,
sem fjölluðu um það. Var það samþykkt í báðum þingdeild-